تحديثعجبنى اوى اوى الحوار الساخن جدا الدائر داخل الكومنتس
بس انا حبيت اوضح حاجه
انا لما اتكلمت عن الخيانه اتكلمت عنها بطريقه عامه
و محددتش بين مين و مين
و قلت ممكن تكون حبيب قريب صديق
و اكيد بين الزوج و الزوجه
ممكن يحصل خيانه
و ما اقساها من خيانه
الخيانه يا جماعه مش لازم تكون بسبب معين
فى ناس بتخون لمجرد ان الخيانه خلاص بقه حاجه عاديه فى دمها
و انها تضرب فى ضهر اللى قدامها
دة شىء عادى اتعودت عليه
كنت لازم اقول الكلمتين دول
عشان الموضوع ميقفلش على الخيانه بين الزوج و زوجته
******************
انا كنت قلت انى حعد فترة غايبه عن البلوج أو المدونه
و اصدقائى المدونين
بس الحمد لله عندى وقت فاضى اهوه
و قلت احط بوست من زمان بفكر اكتبه بس مكنتش جايبه الاسلوب الصح او اللى سهل و سلس عشان اعرضه
رغم إن عندى صداع حااااااااااااااااااااااااااااااااد
بس الفكرة إن بالظبط من 5 ق
جالى حته خبر
طير الصداع من دماغى
و خلانى فى قمه السعادة
و سوف احتفظ بالخبر لنفسى
يمكن اكلمكم عن الخبر دة فى يوم من الايام
المهم دلوقتى
كل الناس اتكلمت عن الخيانه بمختلف المواضيع و الاشكال و يمكن انا مجبش جديد
بس انا حقول اللى عندى و انتوا ابقوا قولوا اللى عندكم
مدونتى تدعم حريه الرأى
بس اللى بيحبنا ميضربش نار (على رأى واحد صاحبنا)ههههههه
الخيانه كلمه كبيرة اوى اوى اوى
فى ناس ممكن تصنف الخيانه انواع
خيانه صديق خيانه حبيب
خيانه اخ
و فى ناس مش بتصنف الخيانه
لأن الخيانه واحدة فى جميع الاحوال
دة بيخون و دة بيخون و دة بيخون
نوع الخيانه عندى هو النوع التانى
إن الخيانه هى الخيانه مهما اختلف شكلها او نوعها
و دة اتفقت معايا صديقتى (ما محبه الا بعد عداوه ربنا ميجبش حاجه وحشه)العزيزة
TOYA
إن الخيانه واحدة فى جميع الاحوال
و غالبا بتيجى من ناس منتوقعش انها تخونا او تيجى علينا
ممكن لاننا منعرفهاش لدرجه انه تخدعنا
او إننا نعرفها لدرجه إن الواحد مش بيبقى مصدق إن الخيانه
جيه من البنى ادم دة
طب إزاى؟ معقوله
يبقى بنى ادم
كلت عيش و ملح معاه و يضربك فى ضهرك بكل بساطه
الخيانه ......الخيانه.......الخيانه
كلمه صعبه اوى
اوى فعلا
منقدرش نقولها على كل الناس
و منقدرش نمنعها عن كل الناس بردوه
دى مبقيتش كلمه صعبه و بس
دى بقه كلمه محيرة جدا
سمعتوا اغنيه الفنان الرائع كاظم الساهر
اتحبنى
بتقوله فى اول الاغنيه ايه
اتحبنى بعد الذى كان؟
يرد عليها
سأحبك رغم الذى كان
ماضيكى لا أنوى إثارته
حسبى بأنك ها هنا الان
تتبسمين
و تمسكين يدى
فيعود شكى فيكى ايمانا
احنى قبعتى لهذا العاشق
انا مكتبتش القصيده نحو صح
على اد لغتى
اصل انا ثقافتى فى النحو زى ثقافتى فى الفرنساوى بالظبط
ما علينا
اللى يفهم كلام الاغنيه دى
يا ريت يرد على سؤالى
لو انت مكانه؟
بلاش لو دى
إذا انت كنت مكانه
حتقدر تسامح من خانك
سواء
حبيب او صديق او قريب
حترجع ثقتك فيه زى الاول و احسن؟
انا حرد على سؤالى عشان محدش يزعل
كــــــــــــــــــــــــــــــــــــان زمــــــــــــــــــــــــــــــــــــــــان
ممكن اسامح
إنما دلوقتى محدش يستاهل
فئه نادره جدا جدا جدا جدا
اللى ممكن اسامحها
و دة اللى اتفقت معايا فيه
TOYA
مش اى حد دلوقتى يستاهل إننا نسامحه
عشان اللى بيخون حد او يضربه فى ضهره
بيبقى عارف هو بيعمل ايه كويس
و عارف معنى الخيانه
و عارف اللى بيعمله دة ايه و اد ايه حيأذى البنى ادم اللى قدامه
فالبنى ادم اللى زى دة ميستهلش إننا نسامحه
انا معرفش اكره
بس
مش حعامله زى ما أعامل حد عمره ما جه عليا او أذانى
و انا ححاطلكم الاغنيه لــــــــــــــ
على راى واحدة قالتهاله فى حفله من حفلاته
ارق وحش
كاظم الساهر_ اتحبنى
اللينك اهوه
و يا ريت بجد اعرف رائيكم ايه؟
انا عارفه إن اسلوبى المرة دى مش حلو اوى
بس عشان الربكه اللى انا فيها
و لما اخلص منها
ححاطلكم احلى صور لاحلى المخلوقات
الاطفال احباب الله
و ساعات بيبقوا مسهيين شوشو
و طالعين بداله
ههههههههههههههههههههههههههههه
متتاخروش فى الرد
و دمتـــــــــــــــــــــــــــــــــــــــــــــــــــــــــــــــــــــــم
30 comments:
ازيك يا ساموا
الخيانة معنى واحد و لكنها طبعا اصعب مليون مرة حينما تأتى من شخص قريب و نحمل له مشاعر لاننا كلما أخلصنا افترضنا تلقائيا انه سيبادلنا الاخلاص و المرارة التى تتركها خيانته فى نفوسنا من الصعب ان تزول الا مع الوقت لكنه بالتأكيد لن يحتل مكانته الأولى وان كان من الصعب ان نكره من شعرنا نحوهم بالحب فى يوم من الأيام.
أما بالنسبة لموضوع أغنية كاظم الساهر يا ريت صدرك يتسع للى هقوله
أنا أعتقد أنه يتحدث عن ماضيها قبل أن يعرفها و ليس بعد ان عرفها والله أعلم
ثانيا
منذ سنوات كنت من المستمعين لكاظم الساهر و لكن بعد أن عرفت أن الاستماع إلى الأغانى حرام توقفت تماما و لذلك يا ساموا و لأنى أحبك فى الله و الله يعلم صدق قولى فأنا أرجو منك أن تمسحى اللينك إلى الأغنية حتى لا تكونى ساعدت أحد على الإستماع اليها و صدقينى الاستغناء عن سماع الاغانى سهل جدا
أنا كلى ثقة من أنك لن تسيئى فهمى
تحياتى
واو موضوع جميل اوى اتكلمت فيه كتير اوى وفكرت فيه كتير اوى اقربها انبارح كنت بتفرج على مسلسل ( سلطان الغرام ) بتاع خالد صالح ولوسى المهم خالد صالح اتجوز على لوسى فى حين انه بيحبها بس حب ام العيال حب العشرة واتجوز واحدة صغيرة المهم لوسى جالها جواب من ولاد حلال قالولها وكتبولها عنوان شقة العروسة الجديدة طبعا ابلتك لوسى مكدبتش خبر وطبت عليها فى الشقة واتكلمت معاها وقالتلها داين تدان هيجى يوم وتخطفه منك واحدة تانية زى مانتى خطفتيه من بيته وعياله ......... الحوار كان حلو الصراحة المهم بقى تفتكرى لوسى عملت ايه؟ لما رجع جوزها البيت باليل انا قالتله حوار رائع بجد خلت الدموع فرت من عينى
قالتله انا قصرت معاك فى ايه؟
حط عينك فى عينى وقولى انتى قصرتى معايا فى حاجة الراجل الصراحة رد عليها ومنكرش واجبها معاه وقالها انتى عمرك ماقصرتى معايا انا غلطت فى حقك
ردت عليه وقالتله طب ليه عملت كدة ؟
تخنت شوية
بطنى دى هى اللى شالت عيالك
ايدى اخشنت من غسيل هدومك علشان تتباهى قدام زمايلك
رجلى اتشققت من اللف عليها عشان اساعدك فى رزقك
.....
....
المهم القرار
لو انتى مكانها قرارك هيكون ايه؟
قالها اللى يرضيكى
بس الا الطلاق
قالتله انا مش عايزة اتطلق
بس البيت ده بيتك ومطرحك تجيه فى اى وقت لكن الاوضة دى رجلك ماتعتبهاش انا متحرمة عليك
بس احنا قدام العيال متجوزين عشان يتربوا بينا
لزومه ايه بقى الحوار الطويل العريض ده
انى اقولك انه دخل دماغى قرارها
وقلت لنفسى يوم ما يحصل حاجة زى دى من جوزى هعمل كدة
لو بقى حد تانى ؟
مش متجوزاه
يبقى وقتها انا خسارة فيه
مش غرور والله
بس هو وقتها اللى هيخسرنى لأنه عمره ما هيلاقى واحدة تحبه وتخلص ليه وتضحى علشانه زيى
يبقى خليه يجرب نار غيرى عشان يحس بجنتى
بس يوم ماهيرجع ويطلب انى اسامحه هقوله أميه يا دارلنج
فينيتو مون أمور
ومعتقدش ان الشخص ده وقتها يستاهل دمعة من عينى تنزل عليه
بس الأكيد ان علاقتى ومشاعرى وثقتى مش هعرف اديها لحد تانى بسهولة والاكيد انى وقتها هعمل بمبدأ خدى اللى بيحبك ومتخديش اللى بتحبيه وعمرى ما هدى اكتر من اللى بخده
طولت عليكى بس الموضوع الصراحة استفزنى وعلى فكرة مش هو ده كل ردى ده الاختصار انا عندى استعداد اتكلم 100 ساعة فى الموضوع ده ومزهقش
لأنى بجد بكره الكلمة دى اوى اوى اوى
وبمناسبة كاظم
فمعتقدش انى هبقى زيه
مع انى كنت كدة فى يوم من الايام
بس اللى اكتشفته ان الرجالة مش عايزين كدة
ولما تسامحيهم بيعتبروه ضعف وبيجوا عليكى وبيتكرر نفس السيناريو
ودمتم
يعني ده وقته أنتي أكيد بتهرجي إنك تفتحي موضوع زي ده وسط الامتحانات
يا بنتي ركزي شوية في المذاكرة ..
على العموم مادام فتحتي الموضوع ندخل فيه:
أولا واضح جدا إن الخبر اللي جالك من خمس دقايق وطير الصداع من دماغك وخلاكي سعيدة له علاقة بموضوع الخيانة ده صح؟ إوعي تقولي لأ
ثانيا لامؤاخدة بقى كلام الريس كاظم ده يبله ويشرب مايته .. يعني الهانم بتقوله أتحبني بعد الذي كان؟ هوه ايه بقى سعادتك اللي كان ده عايزين نعرف يعني عبارة عن ايه؟ ما يمكن اللي كان ده ماينفعش إنه يتصلح .. وبعدين انت فرحان عشان تتبسمين ماهي طبعا لازم تتبسمين أمال عايزها بعد عملتها السوده دي تعمل ايه تكشرين يا نهار أزرق ايه الناس دي وشك ايه يا سيد الرجالة اللي بقى بعد الضحكة وماسكة الإيد بقى إيمان هو ايه اللي حصل في الزمن الأغبر ده.
وبعدين رد بسيط على التعليق اللي قبلي عُمر الجواز التاني ماكان يعتبر خيانة للزوجة الأولى لأن الرسول صلى الله علية وسلم عمله 9 مرات
وأخيرا أتفق مع دكتورة جنة في موضوع حذف اللينك فالدال على ضلالة كفاعلها ربنا يعافيكي ويعافينا
بس بجد موضوع شديد وعلى قد ما أنا اتنرفزت لما لقيتك سايبة المذاكرة بس كنت سعيد لما قريته
تحياتي
ساموا
اسمحيلى اتدخل فى المناقشة
زميلى العزيز اذا تزوج الرجل للمرة الثانية بدون علم زوجته الاولى فهى خيانة ولا ايه؟ اعتقد ان ده اللى كانت بتقوله سوسو
تحياتى
مدونةجميله ومتميزةربنا يجازيك خير
بالظبط ده اللى انا قصدته يا دكتورة gannah
الجواز من اخرى بدون علم الزوجة وموافقتها كمان يبقى خيانة
وبعدين ليه منتبادلش الأدوار يا مصرى وتحط نفسك مكان واحدة مخلصة وقايمة بدورها على اكمل وجه ويجى واحد لله فى لله كدة جه لحضرته مزاج انه يغير يقوم متجوز عليها وهو معتقد ان ده حقه
تفتكر لو كنت مكانها كان الوضع عادى بالنسبالك
على فكرة مش معنى كدة انى بقول ان احنا زى بعض ولا ان انا استغفر الله بنفى حق ربنا اداهولكم ولكن الرسول عليه الصلاة والسلام وهو سيد البشرية كان عادلا واشرط الزواج باخرى بان تعدل بينهما فهل تعتقد ان فى راجل فى الزمن ده قادر على واحدة عشان يعدل بين اتنين؟
ثم ان مش تحت مزاجه لازم يكون فى اسباب وجيهة لأنه يتجوز مش اسباب مزعومة بيخترعها الرجال فى هذا الموقف وكأنهم ملائكة على الأرض ميتعايبوش وكأن الست اللى معاهم دى عمرها ما ورته يوم عدل خلاص بقت مليانة عيوب
يعنى مثلا الخلع ماهو من حق النساء بس مش من حقها انها لمجرد انها حبت تغير تقوم خالعة ده وحاشية غيره
قصدى متجوزة غيره
لازم اسباب منطقية عادلة
والا بقت خيانة
انا متأكدة ان كل اللى هنا بصموا بالعشرة انى لكاكة جداااااا بس استحملونى اصله موضوع يتلك فيه
ودمتـــــــــم
مش لازم تبقى الخيانة بالمعنى اللى انا اتكلمت فيه خالص
ممكن الخيانة مثلا ان واحدة المفروض انها صاحبتك ويكون فى خير ليها فى شغل مثلا او حتى حاجة يمكن تكون هى محتاجلها وتبلغهاش بيه وتعرف عن الحاجة دى بعد ماتخلص وتبقى آخر من يعلم حتى لو كانت هى مش رايحة بس برده حق صداقتك عليها انك تقوليلها
نعيب على الناس والعيب فينا
الكلام ليكى يا جارة
عايزة اقول حاجه بس
انا رديت على التعليقات بس لما جيت انشرها النت فصل فاحضطر ابعتهم تانى
الموضوع كبر اوى يا جدعان
Gannah
الف شكر على مرورك جنه
و على نصيحتك
تدخلى فى النقاش براحتك
بيعجبنى كلامك جنه
saso
انا معاكى فى كل كلمه انتى قولتيها
و موافقه عليهتا بالثلث
و فاهمه يا جارة اصدك ايه
و اكيد لو حصل معايا زى اللى حصل مع لوسى
حعمل زيها
لانه طالما عمل كدة
يبقى خلاص
خاليهاله
و انا حبقى عليه عشان عيالى بس
و لو كان غير كدة
يبقى مع السلامه ميلزمنيش
و انا الكسبانه برضه
و هو كدة كدة خسران
لانه فعلا مش حيلاقى حد يضحى عشانه زييى
مش غرور
و انتى مش لكاكه
انتى عارفه احنا قد ايه صحاب يا ساسو
و انا عمرى مقلت عليكى لكاكه خالص
اصلك طالما مش بتخرجى بره الموضوع
يبقى اوك
Walad_Masry
انت حتقر على شويه الوقت الفاضى اللى لاقيتهم
ايوووووووووه يا جدعان
انت سبت الموضوع كله
و مسكت فى تتبسمين و تمسكين يدى
على فكرة
ممكن
مجرد البسمه من وجه الحبيب تبقى قمه الحب
و على فكرة الموضوع دة مش متعلق خالص بالخبر الحلو
و كمان احب اقولك ان الخبر دة محصلش للاسف
و اتقهرت
بس اتعوضت يعنى بعد كدة
و الف شكر على النصحيه
يا جماعه لو حابين نناقش الموضوع دة اوك انا موافقه اتكلموا عادى و إن شاء الله فى البوست اللى جاى
حتكلم برضه عن الخيانه بس بشكل تانى
و حعرض ارائكم دى
و ادعووووووووووووولى
و دمتـــــــــــــــــــــــم
طبعا ما انا باين عليّ وقعت في ملقف
على العموم مافيش مشكلة قدها وقدود يا واد يا مصري نبتدي بسم الله
أولا سؤال بسيط اذا كان الجواز التاني بدون علم الزوجة يعتبر خيانة أمال الخيانة اللي بجد تسموها إيه قصدي يعني الزوج لما يعط بره مش دي برضه اسمها خيانة طيب لو دي اسمها خيانة بجد امال الخيانة بتاعة الجواز التاني تسموها ايه خيانة بهزار وأرجوكم بلاش فلسفة وحد يقولي ماهي الخيانة درجات وواحد ممكن ياخد 3 من عشرة في مادة الخيانة وواحد تاني ممكن ياخد 9 من 10
ثانيا صديقة البرنامج الدائمة ساسو خلينا نبص على الموضوع من زاوية تانية إن حضرتك تحطي نفسك مكان واحدة أرملة أو مطلقة عندها أولاد نفسها راجل يدخل عليها ولو مرة في الاسبوع يشوف طلبتها أو حتى في حالة إن المرأة مازالت بنتا لم يسبق لها الزواج ونظرا لزيادة عدد الإناث عن عدد الذكور زي ما الإحصائيات بتقول ممكن أعرف هيكون الموقف ايه لو كل راجل اتجوز واحدة بس طيب والبنات اللآتي لم يتزوجن هيكون موقفهم ايه تحديدا ارجوكي فكري كويس ويا ريت تعيشي الموقف ده وبعدين عاوز اعرف رأيك
ثالثا دكتورة جنة ممكن دليل من الشرع على كلامك ده ان الجواز التاني بدون علم الزوجة الاولى يعتبر خيانة ولو كان ده صحيح هل يعتبر الجواز التاني ده باطل ماعتقدش
رابعا صاحبة البيت واللي مستضيفانا عندها ساموراي هانم مدام الكلام الاسكندراني ابتدى يطلع يبقى الموضوع سخن ربنا يستر
دلوقتي انا مش معترض على البسمة في حد ذاتها لكن إعتراضي كان ان الباشا نسي كل البلاوي اللي حبيبيه عملتها اول ما سعادتها ضحكت في وشه وبعدين لا مؤاخذه كان فين الحب اللي بتقولي عليه لما حصل اللي حصل من الزبونة يعني هي تروح تتظبط بره وبعدين تجيله تبتسم يقولها ولا يهمك يا جميل اعتبريني قرطاس لب واعملي كل اللي نفسك بيه ومش بس كده لا وايه دا انا حتى لما هشك فيكي هضرب نفسي جوزين أقلام وأقولها مش عيب برضه تشك في المُزة الطاهرة دي
معلش سامحوني على كلامي الخارج بس انا كل ما بتصور الموضوع ده الدم بيضرب في نفوخي على الرجالة اللي جايبانا ورا دي
تقبلوا تحياتي
ساموا
اسمحيلى تانى ارد على الباشمهندس
انا معنديش دليل من الشرع و كمان عارفة ان بعض الشيوخ فى السعودية اجازوا ان و كمان سمعت قصص كتير عن الموضوع ده .
بس فين المودة و الرحمة و التفاهم و الصداقة بين الزوجين تفتكر لما اكون مش مقصرة فى حق زوجى وبفتحله قلبى و عقلى و اقوله على كل حاجة و هو له حياة مزدوجة يعنى عايش معايا شخص و خارج البيت هو شخص تانى و تخيل وقع الصدمة لو حصل كده مش عايزنى احس ان دى خيانه امال احس ب ايه انا شخصيا أفضل ان زوجى يصارحنى و يكون الامر بيدى لا بيد عمرو و ساعتها هاحس انه قدر العشرة و محبش يخدعنى و يعيشنى فى وهم ان ما فيش غيرى فى حياته و اشوف ساعتها هاقدر استحمل و لا لأ. على فكرة فيه حاجات من الصعب على الرجل انه يشعر بيها احاسيس خاصة جدا و مهما وصفتها برضه بتفضل صعبه باختصار اللى ايده فى الميه مش زى اللى ايده فى النار و الله يكون فى عون كل واحدة جوزها بيفكر يتجوز عليها
تحياتى
هههههههههههههههههههاى
ضحكتننى موت والله على الرجالة ذوو القلوب الرحيمة فاعلين الخيرات مسارعين لإنقاذ فتيات المسلمين
يا راجل بلاش حجج بقى
اللى عايز يعمل خير مابدل ما يعمل خير فى واحدة معنسة مايعمل خير فى اتنين ويتبرع بالفلوس دى ويساعد بيها شاب واهو يبقى ساعد اتنين ومدمرش بيته
ولا هى حجج ؟
وبعدين مش ضل راجل ولا ضل حيطة هى البنت اللى متجوزتش دى لقمة وبيرمهالها واهى تحمد ربنا انها بتشوف سعادة البيه يوم فى الاسبوع
لا يا باشا
طالما ان حضرته عقد عليه تبقى ملزمة منه يحميها ويوفرلها الحياة الزوجية الكريمة والعدل وده عمره ماهيحصل وهو فاتح بيت تانى يا هيميزها عن القديمة يا هيجى عليها عشان ام العيال
وفى كلتا الحالتين ظلم
الواحد لو كان بيفتح عكا كان زمنها اتفتحت
المهم
ندخل في الموضوع
دكتورة جنة
لو اللي فهمته صح إن قصد حضرتك إن الزوج خاين علشان عدم إخبار الزوجة الأولى بموضوع الجواز التاني فده أنا ممكن أتفق فيه معاكي ولو إني شايف إن كلمة خيانة كلمة غير مناسبة لعدم إخبار الزوجة لأنه غالبا ماقلهاش علشان خايف على مشاعرها (ولو إني لسه قارئ خبر إن زوجة ولعت في البيت وجوزها نايم لما عرفت إنه إتجوز عليها) لكن على أي حال وبصراحة أنا رأيي إنه لازم يقولها وفعلا هي من حقها إنها تختار ولو إن طبعا إختيارها هيكون بدون تفكير كالعادة واعتمادا على القلب اللي غالبا بيودي في داهيه وهتختار الطلاق مع ملاحظة إنه يبقى يخلي باله وهو نايم
أستاذه ساسو
ولو إن ضحكتك كانت طويلة حبتين ومعجون الاسنان اللي بتستخدميه عامل شغل كويس لكن مافيش مشكلة ندخل في المهم
واضح إن كلامي إتفهم غلط وده عادي في طريقة الحمام الزاجل اللي بنستخدمها دي لأني ماقلتش إن كل راجل عاوز يكسب ثواب فيخطف رجله على أقرب مأذون ويروح يتجوز اللي كنت بقوله إن فيه ستات واضح كلامي ستات مش رجالة ستات أرامل ومطلقات بيبقى نفسهم إن يكون فيه راجل في حياتهم يسأل عليهم ويطمن إنهم مش عايزين حاجة ويشاركهم في مسئوليات الحياة ومتهيألي إن ده حق شرعي ليهم وأنا هنا بتكلم عن الستات مش الرجالة
والحقيقة أنا شفت تعليقك في مدونة لولاكي يا جارتي بتاعة جنة وواضح إنك كتبتي التعليق ده الأول لأن تعليقك هناك مختلف حبتين
وأنا شايف إن الفرق في التعليقين في حاجة واحدة مهمة كتبتيها في التعليق التاني وهي جملتك الجميلة
لما فكرت في الموضوع
يا رب ده يحصل للأخريات كمان
على فكرة الجملتين اللي في الآخر مش محسوبين لأنهم هزار
walad masry
انا الحقيقة مش شايفة اى تناقض بين ردودى هنا وردودى هناك انا هنا كلامى كله على الخيانة بي فى مدونة العزيزة gannah كانت القضية مختلفة وهى الزواج الثانى بإعلام الزوجة سواء كانت الاولى او الثانية ولكنها تعرف وانا برده رفضته بس محرمتوش وقلت ان ده يمكن عيب فينا عيب فى ثقافتنا وتربيتنا ان احنا مبنتقبلش ده فى حين ان فى مجتمعات اخرى بتتقبله عادى جدا
كمان فى مدونة gannah
أنا بتكلم على الزواج من أخرى حينما يكون ضرورة يعنى لو أنا مبخلفش مثلا وجوزى نفسه فى عيال او حتى اهله او لا قدر الله عندى مرض يجعلنى مقصرة فى حقوقه وكان الزواج الثانى حلا لمشكلة والزوج طلب منى اوافق على ذلك وقتها عمر الزواج التانى مايكون خيانة
يمكن صحيح برده افضل بيت دادى وقتها بس هيبقى عيب فيا انا والراجل عداه العيب
لكن تعالى بقى لو زى ما سامو بتناقش فى موضوعها هنا مفيش سبب يجعله يتجوز من اخرى وراح واتجوز ومن ورايا ده بالنسبالك ميعتبرش طعن فى الظهر
لا وحتى لو جه قالى معلش وبرده مفيش لذلك سوى ان عين سعادته زايغة حبتين تفتكر متعتبرش خيانة برده
ده حتى لو مش جواز واتنين صحاب بس أنتيم تفتكر من حق اى طرف انه وقت مايحب يبقاله انتيم تانى حتى لو فضل هو وصاحبه ده أنتيم تفتكر مش هيقصر فى حقه يبقى واحد منهم مكرس كل صداقته لواحد والتانى لاتنين تفتكر ده عدل ؟!
وتفتكر ان دى مش خيانة ؟
ملخص الكلام
انا بعلن رفضى لأن يشاركنى أحد فى زوجى
سواء بخيانة وبدون سبب وبدون إخبار الزوجة
أما لو بسبب مقبول منى فأنا مش هتهمه بالخيانة ولكن يمكن مقدرش احتمل حياة انا فيها رقم 2
ودمـــــــــــتم
الله ينور عليكم بصراحه
الحمد لله فى حد فهم انا كان اصدى ايه
يا جماعه انا اتكلمت عن الخيانه عاما
و انتوا قلبتوها بين الزوج و زوجته
و دة موضوع لوحدة
اتكلمت فيه صديقتى العزيزة جنه
بس هنا كان اصدى
الخيانه فى الحياه
يعنى بشكل عام
بين اصحاب احباب و قرايب
زوج و زوجته
بس مش محصورة بين زوج و زوجته
و زى ما ساسو قالت
و اللى قالته حصل فعلا
لو انا ليا واحدة صحبتى انتيم اوى
و اتعرفت على واحدة تانيه و لاقيتها بنت كويسه بردوه
و صاحبتها و خليتها انتيم بالنسبالى
تبقى خيانه لتانيه
و هل من حق التانيه انها تزعل
و لا تبقى مشاركه
عايزة اقولكم
ان الكلام دة ممكن يكون عادى و سهل بالنسبالكم
بس و اللهى الكلام دة حصل
و كانت مشكله كبيرة اوى اوى
و كانت حتطير فيها رقاب
اتمنى انكم تكونوا فهمتوا اصدى
بس بجد و اللهى فرحانه اوى
بكل الكلام دة
طوبه على طوبه
خلى العركه منصوبه
ههههههههههههههههههههه
و دمتــــــــــــــــــــــــــم
saso
هو الغريب إن تعليقي كان في 6 سطور حضرتك سيبتي أول أربع سطور ومسكتي في آخر سطرين لكن على العموم مافيش مشكلة
موافق على كل اللي قلتيه
ولو إني مش فاهم يعني ايه راجل عينه زايغه فراح اتجوز علشان يحصن نفسه فعتبرتيه خاين هو كان المفروض تبقى عينه زايغة بس بدون جواز ولا قصدك يعني عينه متزوغش؟ طب لو حصلت وزاغت نعمل ايه نفقعهمله عشان مراته ترتاح والله فكرة بس معنى كده إن كل الرجالة هيبقوا كُففه
ملخص الكلام
جوزي وانا حرة فيه
جوزي أفرده وأكويه
جوزي أقطعه وأرفيه
من حكم في ماله فما ظلم
Walad_Masry
مش كل الرجاله زى اللى بتتكلم عليهم
معظم الرجال و اللهى العظيم
عينيهم زايغه
يعنى لو فى بنت حلوه اوى عدت و و واحد ماشى جنبكط مثلا
تلاقيه تلقائى عينه فصصتها
سيبك من حته غض البصر
بس انا بتكلم على الرجال سواء عرب او غير
و جربتها صدقنى
و اللهى العظيم
حصلت
انا معديه انا واحد زميلى الشارع و فى واحد و احدة اجانب معديين
اللى معايا بص على البنت و الاجنبى بص عليا
تعرف انا عملت ايه
انا ضحكت على السخريه
و فعلا
دى حاجه موجودة فيهم
و الله اعلم
و دمتـــــــــــــــــــــــم
ساموراي
ايه السعادة دي
طب مادام سعادتك كده فاضية وماوراكيش حاجة يعني لا مذاكرة ولا يحزنون يا ريت بقى تدخلي المدونة فيه تاج صغير كده على ما قُسم علشانك
وابقي قابليني لو فالحتي
الساعة 6 في شارع صفية زغلول قدام محل عباس إبراهيم عشان ماتقولليش فين
طب وايه لازمة الحلفان مصدقك من غير ماتحلفي
إنتي عارفه أنا فهمت من القصة اللي إنتي حكتيها دي حاجة واحدة بس مش هقولك عليها
Walad_Masry
فهمت ايه
على فكرة
مبحبش حد يعلقنى
و تدينى كلمه و تدوخنى على الباقى
يا ريت تقول فهمت ايه
انا اساسا اول يوم منزلش من شهر تقريبا
فتقدر تقول انى بريح نفسى اوى
بس انتى قولى اصدك ايه
و إلا بجد حزعل
و دمتــــــــــــــــــــم
مفيش بنت وحشه على فكرة
اخجلتم تواضعنا
احنا بالنسباله زى بتاهم بالنسبالنا
مختلفين
فهمت
و دمتــــــــــــــــــــم
walad masry
أيوة طبعاً مش من المفروض ان عينه تزوغ يعنى هو يقبل ان المودام بتاعته عينيها تزوغ فتخلعه وتتجوز غيره ولا هو يعنى فاكر نفسه إينريك إجلاسيز ومافيش احسن منه وزوغان العين ده بس من حقه
وعلى فكرة دى فى حد ذاتها خيانة يعنى انا مقبلش ابقى قاعدة مع خطيبى مثلا وتقوم واحدة معدية من جنبنا كدة مهما كانت جميلة بقى ولا تندرج تحت اى مسمى اخر والاقيه بصلها حتى اليوم ده حاجة بسيطة اوى اللى هعملها والله هحسسه بوضعه صح ومهسيب واحد معدى الا بصاله واحسسه انه فانلة قاعد
بالإضافة الى هدية متواضعة فى آخر اليوم اللطيف ده دبلة حضرته فى ايده
وخلى القطة اللى بصلها تنفعه
والله العظيم تلاتة
حاجة تنرفز الكتكوت يا جدع
saso
طب ممكن سعادتك بس تشربي كوباية اللمون اللي قدامك وتهدي أعصابك كده قبل ما تتهوري وتعلملي أي حاجة عجيبة من اللي قلتي عليها يعني حكاية إنك تخليه فانلة دي
أولا معاكي حق طبعا ما ينفعش إن عينه تزوغ وهو قاعد مع خطيبته أو حتى لو كانت مش قاعده معاه مدام خطب ونوى يتجوز يبقى المفروض ما يبصش لأي بني آدمة تانية مهما كانت لأن دي بصراحة إسمها سفالة وقلة أدب قبل ما تكون خيانة
لكن أنا بتكلم عن وضع تاني غير اللي حضرتك بتتكلمي عنه وهو راجل متجوز وعاوز يتجوز تاني بغض النظر عن الأسباب وهيقول لمراته الأولى إنه هيتجوز يبقى فين الخيانة في الموضوع ويا ريت بلاش حكاية خيانة العيش والملح دي
تحياتي
هههههههههههه
ياااااااااااه تصور اللمون ده بيعمل حاجات عجيبة ياأخى
تصور رقت...
خلاص كدة نبقى متفقين طالما توافرت الأسباب والصراحة منذ البداية
اتفضل بقى انت كوباية لمون على حسابى عشان الهدنة دى
واد يا خميس
طقم لمون للناس اللى هنا بسرعة وصلحه
ظلمتوا الكتكوت معاكو ليه
ها
ليه
ايه اللى جاب سيرته
انا بحب الكتكوت دة
بلاش ساسو تجيبى سيرته
و كمان بتجيبى سيره خميس الكلب
يلا مش مهم
طب الفانله لونها ايه بالظبط عشان يكون الكلام واضح
اجدع كلام اختى ساسو
تفى اكتر يلزق اكتر
ههههههههههههههههههههههه
و دمتـــــــــــــــــــــم
أستطيع بدل اللموناضه أطلب جلاس
ميرسي يا هانم
يا خوفي يا بدران ليكون خميس ده واحد من الرجالة اللي هتبصبصيلهم علشان تخلي الباشا يبقى فانلة
وعلى العموم علشان أعرف إنك روقتي بجد يا ريت بقى تشرفيني في المدونة وماتنسيش تبقى تسيبي كلمتين لو الكلام عاجبك وأنا من ناحيتي هزورك ان شاء الله وهقول رأيي بصراحة
ساموراي
بدل الكلام عن الكتاكيت وحاجات عجيبة مش مفهومة طمنينا عملتي ايه في العملي
ربنا يستر ويكون عامَلِك ماطلعش إسود ومنيل
Walad_Masry
بيقولوا الملافظ سعد
براحه عليا شويه يا عم
مش كفايه البلوج باظ و رجعت ظبطه تانى
بس بعد ما اعصابى وجعتنى
و الامتحان بتاع النهاردة الحمد لله الحمد لله عدى على خير
و ميرسى على السؤال
و دمتــــــــــــــم
Post a Comment