استغفر الله العظيم
يا قاعدين يكفيكوا شر التاجات اللى جيه
ما علينا
متشكرين اخويا ولد مصرى
منتحرمش من المشاركه
حستناك بره على فكرة
حدخل فى الموضوع على طول عشان مفيش وقت
بيقولك
لو أعطيتك ثلاثة وردات من هم الأشخاص اللي هتديهم الورد ده؟
واحدة لنفسى (المعنى فى بطن الشاعر) و كل واحد براحته
واحدة لجدتى
واحدة لوالد نفسى(معرفش ليه بس يستحقها) براحتى برضه
معاك 3 سطور إكتب اللي عايزه
يا رب ابعد عنى الشيطان و سامحنى اذا عصيتك فى يوم او فى لحظه و اغفرلى يا رب العالمين
نفسى حياتى بعشقك و عقبال ما تيجى و تتربعى على عرش قلبى ايتها الملكه لى
واحشانى ساسو سندريلا مايا يويو مولى و ربنا معاك يا منعم
ما هو هدفك في الحياة
اتخرج بتقدير عالى إن شاء الله و اشتغل و اتجوز البنى ادم اللى بحبه و يحبنى(يا رب يجى شكلى حعنس)و اسفر والدتى عمرة و حج
و محدش يزعل منى ابدا
إن شاء الله بكرة أحسن من النهاردة هل تصدق هذه المقولة؟
طبعا لان لو النهاردة كان وحش و ضاع منى بإذن الله فى بكرة و اكيد حيكون احسن من النهارده
ما هي أجمل مقولة سمعتها؟
الزمن بطىء جدا لمن ينتظر
سريع جدا لمن يخشى
طويل جدا لمن يتالم
قصير جدا لمن يحتفل
و لكنه الابديه لمن يحب
مين المغني اللي بتحبه؟ وإيه أغنيتك المفضلة؟
ماليش مغنى مفضل و اغنيتى المفضله وقتيه يعنى بتاخد وقتها و بنساها بس انا بحب الاغانى اليابانى
غزة تمثل إيه في حياتك؟
مشكله طولت اوى و بقه حاجه زى الميه و الهوا
تعطي كام في المية لإنتمائك للوطن؟
%99.9
لو تزوجت وأنجبت قول أسماء الأولاد والبنات اللي تحبهم؟
الاولاد:جهاد و ادهم و ادم و رعد
البنات:جودى و ساندرين و سالمين
عمرك غشيت وأنت صغير؟
اكيد .....بس بطلت دلوقتى و عمرى متقفشت ههههههههههههه
لو اتعرضت عليك رشوة وانت في زنقة هتعمل ايه؟
مش حاخدها و لا اقربلها اساسا لانها اكيد اكيد مش حتحللى الزنقه لانها مش حلال
قول 3 صفات في 3 كلمات توصف بيهم شخصيتك؟
عصبيه
قلبى ابيض
مرحه
أول مرتب ليك ولو هتجيب هدايا لعائلتك هتجيب ايه لكل فرد؟
لو كان بالدولار و دة استبعده يبقى ححط زكاه اولا و بعدين اجيب هدايا لعائلتى اللى يطلبوه
اللى عايزينه بقه
براحتهم
أهم صفة في شريك حياتك؟
يكون راجل بجد و يحسسنى بالامان و يبقى سندى فى دنيتى و اخرتى و يحبنى اكيد طبعا
المجال اللي غير دراستك بتحبه حتى لو كنت بترسم على الحيطة؟
ابقى مدربه كره سله
بتحب السفر؟ طب ايه المكان اللي عاوز تروحه دلوقتي من غير ما تفكر؟
بحب السفر اوى بس لاماكن جديده و احب اروح اليونان او ايطاليا
تمرر التاج لمين؟
بم ان داين تدان
يبقى على و على اصحابى
حبايب
سندريلا
مفقوعه مرارتى
انت عارفنى و انا عارفك
همسات مصريه
دينا ضحك و لعب
حامل شعله المخلدين
و اى خدمه من اسكندريه
و دمتـــــــــــــــــــــــــــــــــــــــــــم
14 comments:
بحجز اول كرسى
وليا عودة عشان بالرد والاجابات
ودمتــــــــــــــم
اكيد طبعا صديقتى العزيزة
و يا ريت تاخدى التاج عندك
و اتحفينا بإجاباتك
و الف شكر على مرورك
و دمتـــــــــــــــــــــم
ايه السرعة دي
ما احنا لو بنجاوب بنفس السرعة دي في الامتحانات كان زمانا جبنا امتياز
Walad_Masry
ما انت لو متابع
كنت عرفت انى حطاه من امبارح
بس انت مصدقت انى مش موجودة و طنشت
اوكى
و دمتـــــــــــــــــم
هههههههههههههه انا اول مره ادخل ....بس حخرج الفلف فى شوارع المدونه و ارجعلك....يارب ماتوهش
واحدة مفروسة
ان شاء الله مش حتوهى
و مستنيه رائيك بفارغ الصبر
و دمتـــــــــــــتتم
لا مش أوكي
كل يوم بادخل عندك واليوم اللي كنت فيه مشغول ومادخلتش حطيتي البوست بتاعك يعني اعمل إيه
وبعدين أرجوكي ركزي في المذاكرة شوية أنا حاسس إنك مش عارفة تركزي من موضوع المدونات ده
Walad_Masry
اصل بقالى يومين منزلتش
فتقدر تقول انى عندى وقت الحمد لله
ربنا مسهلها
و بعدين انا عندى امتحاناتى العملى حتبدا بكرة
و ربنا يستر
أنا رديت على التاج فى مدونتى
http://habayeb2gether.jeeran.com/archive/2008/5/561231.html
وده الرابط بتاعه
ودمــــــــــــــتم
ساموراي
اجاباتك لذيذه اوي .. مختصرة ومفيده
ربنا يحققلك أحلامك وطموحاتك بإذن الله
تحياتي
ودمتي بكل ود
أرجو أن تمري يوم عندي .. انتي مش محتاجه دعوة
سلام
lyssandra
لا مغلطتيش لما قلتى انك مرحة..التاج نفسه حلو جدا و اسئلته جديدة و ردودك اديتله طابع تانى بجد...يا رب يوفقك فى كل حاجة فى حياتك و نحضر فرحك قريب باذن الله
lyssandra
الف شكر على كلامك الجميل ليسندرا
و ربنا يسمع منك يا رب
dina
ربنا يسمع منك يا جميل
و اكيد انتى ممكن تاخدى التاج دة منى ليكى
البسيه شويه
هههههههههههههههههههههه
متغبيش عليا اوك
و دمتــــــــــــــــــم
إجاباتك حلوة و طالعة من القلب فعلا علشان كده صادقة جدًا
و متشكرين على التدبيسة دي.. ربنا يقدرنا و نردهالك فى الأفراح و لا فى أى تاج يخبط فينا قريب
و دمتــــــــــم على رأى واحدة صاحبتنا
Amr Ezeldeen
يا راجل ولا تدبيسه ولا حاجه
دة شر لابد منه
هههههههههههههههههه
و ابقى افضلنا و جرب تعدى كدة
و دمتــــــــــــم
على رائييى
Post a Comment