كوابيس

تحديث

حصلت مفارقات كتير اوى اوى بسبب ام النتيجه الفقر دى اللى مش راضيه تطلع

و شكل روحى حتطلع قبل مهى تبان و تخلصنا بقه

العيال اتصلوا بيا و قالولى اطلعى على الكليه النتيجه بتتعلق و شوفيلنا النتيجه معاكى

و بم ان شغلى قريب من الكليه

فعادى انى اروح يعنى

المهم بعد مكنت خلاص ركبت و مروحه بيتنا نزلت و ركبت و رجعت تانى و دخلت الكليه لاقيتها فاضيه

المهم سالت الامن هى النتيجه متعلقه فين

قالى مين قالك انها متعلقه

انتى خامس واحدة تيجى تقولى ان النتيجه متعلقه و عايزة تعرف متعلقه فين

دة انتوا جننتونى

و واحد تانى بيقولوا

يا عم دول جننونى فى التليفون فوق

طبعا انا واقفه بسمع و هما عمالين يغنوا و يردوا على بعض

طب يا جماعه معلش يعنى هى ناويه تظهر امتى عشان هى إتأخرت اوى

قالولى لو مكنش على اول الاسبوع الجاى يبقى على اخر نفس الاسبوع و لو مش على اخر الاسبوع الجاى تبقى على اول الاسبوع اللى بعديه

قولتلهم سلامو عليكم

و خدت بعضى و مشيت

و انا حتشل بصراحه

المهم حاتلى اخبار دلوقتى

انها كانت بتتصور دلوقتى حالا و المفروض انها كانت تتعلق النهارده

بس حصل مشاكل على حد كلامهم

و احتمال تتعلق بكرة او بعده

بس

فأنا على اعصابى دلوقتى

و قلت اقولكم على اخر الاخبار عشان تبقوا معايا على طول الخط

متنسونيش بالدعاء

و دمتـــــــــــــــــــــــــــــــــــــــــــــــــــــــــــــــــــــــــم

****************************************************

موضوع مهم جدا

فضلى سنه و اتخرج من الكليه

مكنتش اتوقع الاحساس اللى انا حساه دلوقتى

و على فكرة نتيجه السنه دةى لسه مظهرتش

بس انا مش متفائله من النتيجه خالص

لأن الامتحانات كانت صعبه اوى السنه دى

غير كل سنه

فأنا مش متفائله

انا مش حينقذنى غير ربنا و دعائكم ليا بالنجاح

بجد با جماعه انا محتاجه الدعاة بشدة

انا سمعت اذا ناس كتير دعت لحد من قلبها ربنا بيستجاب للدعاء

فياريت محدش ينسى يدعيلى فى صلاته

و إن شاء الله ربنا يستجاب

لان بجد انا لو وقعت حتى فى ماده و حطلع رابعه بيها

فأنا حيجيلى احباط رهيب

و حته الاحباط دى بالنسبالى حاجه كبيره اوى

بتدمر فيها

لانى تعبت اوى السنه دى

و انا عارفه ان ربنا مش بيضيع تعب مجتهد

بس فى حاجات كتير اوى فى مجتمعنا

ممكن تحبط البنى ادم

انا مش حقول انى بستسلم بسرعه

انا لو بستسلم بسرعه كان زمانى محوله من كليتى من زمان

بس انا صبرت و جبت اخرى بصراحه السنه دى

فبجد لو حصل حاجه انا ممكن يجرالى حاجه

فمحدش ينسانى بالدعاء

و دمتــــــــــــــــــــــــــــــــــــــــــــــــــــــــــم