حكايتى مع الفار

اة اة اة الفئران انا ليا حكاية طويلة اوى اوى مع الفار اللى كان فى بيتنا و كان لازم المعركى تنتهى بموت واحد منا و اكيد حيكون هو اعتبروه غرور بقة زى ماتحبو قولوا المهم اية اللى حصل؟ ولا حاجة دخل عندنا فار و احب اقول ان فى فرد رئيسى فى اسرتى الصغيرة مش بيحب الفئران و اقدر اقولكم انة حسسنى ان الموضوع مسالة حياة او موت المهم الفار ذكى جدا جدا هو كان شبة اللى فى الصورة كدة بس اكبر شوية سايب الغرفة كلها و واقف ورا الدولاب و الدولاب دة تقييييييييييل اووووووووووى و محدش فينا حطة فى اختيارات مساكان الفار ان احنا ممكن نحرك الدولاب بس. فبعد كدة انا طلعت فوق الدولاب و احب اقول انى عندى فوبيا المرتفعات بس ربنا ستر يعنى و بعد كدة بقينا بالعصاية نخبط ورا الدولاب فيطلع يجرى من تحت الدولاب على تحت الشيفونيرة نروح ناحية الشيفونيرة عشان نضربة انا و بابا . يروح طالع جرى زى البرق تحت الدولاب تانى اقوم انا طالعة تانى و بالعصاية من ورا الدولاب ففكرت انى اعملة فخ
اطلعة من تحت الدولاب و اسد بقة كل المداخل لورا الدولاب فهو لما يطلع من تحته لو انا و بابا ملاحقنهوش ميعرفش يرجع تحت الدولاب فيرجع تانى تحت الشيفونيرة و هى سهلة انى احركها لوحدى بس الذكى استخبى تحت السرير و بابا خبط المخدات اللى انا سدة بيها المداخل للدولاب راح الفار طالع جرى زى البرق تحت الدولاب تانى .و اللهى ولا عشرين مرة اطلع فوق الدولاب و انزل عشان اطلعة لحد قبل السحور اتسحرت و دخلت عملتلة فخ تانى و نمت صحيت الساع 10 على صوت زعيق مسكنا الفار مسكوه ازاى زنقوه فى الحيطة بعصاية يعنى لسة بدرى المهم عشان مطولش عليكم الحل كان فى النهاية اللى احنا كنا رافضينة فى الاول و هو ان احنا نحرك الدولاب ففضينا الدولاب كلة و بعدين حركتة انا و ماما و فهو جة فى الركن كدة و وقف فانا حركت الدولاب تانى فحرف الدولاب جة على ديلة بقة مش عارف يتحرك و دى كانت نهايتة بس فى مفاجاه انا بكيت اوى اوى عشان الفار لان انا كنت عايزة امسكة و اطلعة برة الشقة مش اموته فانا مستحملتش اسمع صوتة و هو بيموت ودى مفاجاه ليا انا شخصيا . عاما لو حد عندوه موضوع عن الفران زى كدة اوا اى حاجة تانية متعلقة بيهم يتفضل يعلق و يقولنا حكايتة و انا حنشرهاله اوكى و كل سنة وانتوا طيبين.