راس السنه ............راس كبيسه ان شاء الله

اممممممممممممممم...راس السنه جمله جميله تحتوى على كلمتين

راس و السنه حد فاهم حاجه يعنى لو حد فاهم يا ريت يفهمنى

تتمثل راس السنه عندنا فى الاسكندريه فى القاء كياس النايلون المملؤة بالمياه فى الطريق العام

و اشهد على ذلك شخصيا فكريا و بصريا و فعليا ايضا و اكيد عمليا

و بلا فخر انا اجدع واحدة بترمى كياس مليانه ميه و بتعمل صوت جامد اوى و الشارع بتاعنا يشهد على ذلك يعنى من غير ما انا اقول

بيبان من تشجيع العالم اللى واقفه فى البلوكونات و بصراحه انا بقه بتاخدنى الحماسه و بروح اجيب كل الكياس النايلون اللى عندنا

و اديها بقه من الشارع

فى حاجه تانيه اللى هى الصواريخ و الحاجات اللى بتولع

يا جماعه دى ممكن تعمل مصيبه و مش حلوة

ولا الزجاجات الفارغه و ترجعوا تدور على بدل للبيبسى متلاقوش

ما عليكم

بس ايه بقه بجرى جرى و انا شايله الكياس من الحمام لحد البلوكونه و برميها على طول دراعى و استنى طبعا اسمع صوت التشجيع

بس و اللهى ذكريات حلوة و اكيد حفضل فاكرها طول عمرى

هو مش احتفال براس السنه ولا حاجه

بس هى اى حاجه الواحد بيطلع الكبت اللى جواه خلالها مش اكتر و بيبتكر بقه و يفنن

احنا اصلا مش بنعرف نبتكر غير فى الحاجات الهايفه

بس عادى

هى مش حاجه فرحتنى حبه

ما اعملهاش ليه؟

حد ليه رائيى اخر

يا ريت يشاركنى

و دمتــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــم