من شويه كدة كنت عماله اظبط فى المدونه و مش عارف ايه!!! لاقيت خير اللهم اجعله خير
امى تثير موضوع حيوى و تتناقش بموضوعيه مع ابى
طبعا انا قلقت
و انا لما اقلق من حاجه
برمى ودنى على طول
عشان اعرف دى ايه؟
لاقيتها بتقول انها سمعت فى برنامج البيوت اسرار اللى بيجى على قناه عين بيتكلموا على النت و اللى بيشيتوا على النت
و سوف احالو انا انقل الحوار كما سمعت
لنبدا: احم
ماما: بيقولك واحد كان فى كليه الطب فى انجلترا صحابه مكنوش بيحضروا و كانول بيشتغلوا عشان يعرفوا يعيشوا و يدرسوا و كان هو الوحيييد اللى بيحضر المحاضرات
بابا يركز فى الحوار: اممممممممم
ماما: فهو اخترع طريقه يوصل بيها المحاضرات و السكاشن وكدة ايه هى بقه؟
عمل موقع على النت اسمه visitor
و من خلاله صحابه حيدخلوا عليه يلاقوا المحاضرات و كل حاجه محتجينها هناك
بابا مركز اوى بقه: اممممممممممممممممممممم
ماما: لحد كدة و حلو اوى اوى بس بعد كدة بيقولك انى اى حد يدخل على الموقع دة يلاقى صور و مناظر بقه
كدة كدة يعنى
مش محتاجه توضيح
و مش اللى داخل هو اللى بيفتحها عن قصد دى بمجرد لما بتفتح الموقع بعد شويه كدة تلاقى الصور دى طالعه
يعنى قله ادب و سفاله
شوفت بيجرى ايه فى النت؟
بابا لسه مركز: امممممممممممممممممممممم
ماما: و بيقولك انك ممكن و انت بتشيت كدة سبحان الله كدة و انت ولا بيك ولا عليك تلاقى نفسك جاسوس و بتيجى بطريقه كلام عادى و من غير الشخص المعنى ما بيبقى حاسس يعنى ازاى ؟
مثلا
عامل ايه ؟ و ايه اخبارك؟
و الحلاه عندك ايه؟
مرتاح يعنى؟
و لا نفسك فى حاجه
حاجات زى دى
و الكلام عادى و المفروض الرد عادى
و يقولك ممكن تكلم ولد على انه و بنت او بنت على انها ولد و تتصاحبوا و مش عارف ايه؟
و تقع فى المحظور
و المناظر اللى فى الاموقع الشاب الى كان بيحكى قال انا كولد عادى مش حتاثر
بس انا لو انسه؟
خلى بالكم انا راميه ودنى
بابا: لاتعليق
بس كدة دة كان الحوار
و بعدين الحوار قلب على الفراخ المصابه بانفلونزا الطيور و التطورات الحديثه فيها
بس ايه رائيكم يعنى
على فكرة انا قريت كتير فى الموضوع دة و حصل كتير
ان فى كتير بيبقوا جواسيس من غير ميحسوا
فياريت يا جماعه ناخد حذرنا
عشان احنا شعب مصرى و المفروض المفروض يعنى
نخاف على مصلحه بلدنا
و لازم نحترس يا جماعه من اى حد غريب يضيفك على الايميل
و مش اى حد اللى نقبل نكلمه لازم نتاكد كويس اوى اوى من الحاجات الصغيرة دى
لان حاجه صغير ة جنب حاجه صغيرة
يعملوا مصيبه كبيييييييييييييييييييييييرة
عايزة اعرف رائيكم
و دمتـــــــــــــــــــــــــــــــــــــــــــــــــــــــــــــــــــــــــــــــــــــــــــــــــم
9 comments:
والله يا سمورة أمك دى عندها حق بس وأنا بينى وبينك اتلدعت مليون مرة من النت ده بس الحاجة اللى فعلا ماقابلتهاش قبل كدة ولا سمعتها حتى موضوع الجاسوسية ده يعنى انتى متخيلة ان امثالنا عنده معلومات خطييييييييرة لدرجة انها تنفع ولا تضر البلد اعدائنا خلاص مش عارفينها وهيجيبوها مننا احنا .....؟!
وعموما الموضوع حلو بس خلى بالك كدة لحسن كدة السيد والدكى وهو راكب المواصلات كدة ولا رايح ينام وقت ما يفضى يعنى وانتى عارفة الفضا وحش ياختى هتلاقيه واخد قرار هام بشأنك وهو حرمانك من النت او اى شئ من هذا القبيل تيك كير ......
مع تحياتى للوالد والوالدة
على فكرة موضوع الجاسوسيه دة حصل اكتر من مرة و فى حوادث كتيرة اوى اوى فى هذا الموضوع بس انا مش حعرف اتكلم عنه زى ما صاحب مدونه لكم دماغكم و لى دماغى
هو اتكلم عن الموضوع دة باستفاضه و قال على اكتر من حادثه او موضوع حصل زى كدة
فلو عايزة تتاكدى اللينك بتاعه عندى فى المدونه ابقى ادخلبى و شوفى
بس خلى بالك خلى بالك خلى بالك
و اتاكدى بنفسك
و ان شاء الله ربنا مش حيجيب حاجه وحشه من اى ناحيه زى ما انتى عارفه
و دمــــــــــــــــــــــتى بخير
دكتور نبيل فاروق متخصص أدب الجاسوسية وضح مرة فى ندوة معرض الكتاب 2007 إن فى طرق لسحب المعلومات من الأفراد عن طريق الشات، بإن الولد يتعرف مثلا على بنت و لتكن ألمانية و تتكلم معاه مرة واتنين و تبعتله صورتها طبعا صورة زى القمر، و بعدين تقوله إنها ناوية تزور مصر.. الولد يرحب جدًا، و البنت بعديها تبدى مخاوفها من إن مصر فيها زعزعة و إن فى و فى و فى، و هى خايفة تنزل مصر للسبب ده.. يقوم الولد اللى مش عايز الليلة تبوظ يبدأ يفهمها إن مفيش حاجة من دى، و يقولها دى مجرد حاجات مش عارف إيه ، و حبة حبة يلاقى نفسه بيقولها على معلومات يقدروا هناك يحللوها و يطلعوا منها بتفاصيل لا يمكن تخطر على بال حد..
و ده من غير الولد ما يحس و لا يعرف إنه جاسوس و لا يحزنون
اما التدوينة نفسها، فللأسف الأبهات و الأمهات ساعات كتير ميكنش عندهم خلفية بالنت، و مجرد ما يسمعوا فى برنامج إن النت ده عليه بلاوى يجروا يقطعوه أو يحرموا عيالهم منه على إنه شيطان رجيم
و لو إن كل حاجة فيها الحلو و الوحش، و للأسف برامجنا العزيزة مش بتجيب غير الوحش
عمركيش سمعتى عن حد طلع فى برنامج قال النت عظيم و ممكن تجيب من عليه كذا و كذا و كذا ؟
صعب طبعًا
عمومًا لو لقيتك اختفيتى من على سطح الانترنت هاعرف إن الوالد قرر يعملها
تصبحى على خير
هههههههههههههههههههههههههه
ان شاء الله الوالد مش حيعملها ان شاء الله يعنى مع انه شديد اوى اوى فى حكايه النت و الشات و الكلام دة
بس انا الحمد لله واخدة حذرى و دة على حد علمى
و اللى انت حكيته دة يا عمرو انا قريته و بيحصل
بس فى ناس مش مقتنعه
ربنا معانا و يبعد عنا الشر يا رب
و متكشرة جدا جدا جدا على تشريفك ليا يا حامل شعله المخلدين
و منح مدونتى القليل من وقتك الثمين
ايها المؤلف المشهووووووووووووووووووور
حنقر بقه
هو قر بقه و نق
تقول ايه ؟
حقد بقه
و دمتــــــــــــــــــــــم
بصي يا سمر اسرائيل ولا امريكا مستنين معلومات تافيه زي ده منينا هما اصلا عرفين كل حاجه عننا يعني احنا بنشتري السلاح من امريكا فاكيد اسرايل سلاحه اقوي مننا وامريكا في كل حته في مصر ازا كان في رقابه من امريكا علينا في مصانع السلاح العاندنا احنا كده كده ندمر بسرعه جدا بسبب طبعا الغاز الطبيعي اي حاجه كله هيولع وبسهوله جدا فامريكا واسرائيل ميش مستنين مننيا اي معلومات هما عرفين اصلا كل حاجه والموضوع ده دعايه اعلاميه وميش اكتر
بص يا اللى اسمك الطايش(الله يخربيتك فضحتنا)
المعلومات اللى انا قلتها دى حصلت فعلا مش مجرد كلام و خلاص
و حصلت اكتر من حادثه فى الموضوع دة
و انا مش بجيب الكلام من عندى و لو عايز تتاكد ممكن تدخل على مدونه اسمها لكم دماغكم و لى دماغى و انا حطه اللينك بتاعها عندى و صاحب المدونه دى متكلم باستفاضه فى الموضوع دة و عامل حوار مع واحد بيشتغل فى العلاقات العامه فى المخحابرات
يعنى واحد من الداخل
و هو اللى اكد على المعلومات دى
لان صاحب مدونه لكم دماغكم و لى دماغى ساله استوضح منه يعنى
فقاله و فهمه
و انت فعلا مش بتحس انت ممكن تقول اى حاجه هى بالنسبالك هايفه جد اجد
فانا بجد عايزاك تقتنع لان الموضوع دة ممكن تقابله
و ان عايزاك تاخد حذرك يا الطايش(الله يخربيتك فضحتنا) اياك تعملها تانى
انت فاهم انا بتلكم على ايه
و دمتـــــــــــــــــــــــــــم
يمكن يكون كلامك صحيح بس انا بورده ميش مقتنع بكده خالص المهم ان الواحد ياخد باله وخلاص وهو بيكلم اي حد من برة شكرا ياباشا
والله امك دى زى العسل والكلام ممكن يكون صحيح بس انا موش عارفه ليه انا مش مقتنعه بيه مليون الميه
ميرسى على كلامك على امى (مش عارفه ليه كله بيقول عليها كدة يعنى) و على فكرة الكلام دة فعلا حصل و ممكن يحصل فى اى وقت و فى اكتر من واقعة حصلت فى الموضوع دة و انا ان شاء الله حجيب وقائع مؤكدة على الموضوع دة عشان فى اكتر من حد مش مقتنع اوك و ميرسى على مشاركتك
و دمتــــــــــــــــــــــــــــم
Post a Comment