لاقيت نفسى فاضيه و مستنيه بفارغ الصبر فيلم جاكى شان الجديد ينزل
قلت ايه يا بت يا سامو اكتبى بوست و فضفضى شويه
اهو الواحد يغير كتمه الامتحانات
المهم
جه فى برنامج 90 دقيقه بتاع معتز الدمرداش اللى بيجى على قناه المحور
كانوا جايبين واحد
و كان فى واحد معارض ليه
و جابوا سيره اسراء
المعارض قال
بعد ما المحكمه برئتها
اعتقلتوها
راح الواحد بقه قالوه ايه
مين قال اننا اعتقلناها ورينى امر الاعتقال
المعارض قاله اومال انتوا خادتوها عندكم ليه
الواحد قاله
استضفناها عندنا شويه
و من هنا اعزائى المشاهدين و المستمعين و القراء و كل البنى ادمين يعنى
نقدم لكم اروع مناطق التصييف و الاستضافه
عند
حبايبنا الحلوين (على رأى فيلم خلى الدماغ صاحى)و دلوقتى
اللى يسرق يروح فين ياما .....يروح مارينا
و اللى يصيف يروح فين ياما.....يروح عند حبايبنا الحلوين
و عجبى
17 comments:
سامو يا عفريته
صورة مين ديه اللى بتضحك
أنتى مش خايفه تروحى على مارينا؟
ولاديه كانت صورة المشاهد؟؟؟؟؟؟؟؟؟؟؟؟؟
انتى فاضيه بقى ..وانا كمان ..فيلم ايه اللى انتى مستنياه و حيجى على انهو اسطبل ...قصدى قناااااااااااه
واحدة مفروسة
الصورة دى انا عملت سيرش على جوجل
و طلعتها
عجبتنى اوى
و تقريبا دة اللى كنت عايزة اعلق بيه على الواحد
بالنسبه للفيلم فهو الفيلم الجديد بتاع جاكى شان
the forbedin kingdom
بنزله من على النت
هههههههههههههههههههههههههه
و يلا حجزتى المقعد الاول فى الكومنت
و دمتــــــــــــــــــــم
من هنا اعزائى المشاهدين و المستمعين و القراء و كل البنى ادمين يعنى
نقدم لكم اروع مناطق التصييف و الاستضافه
عند
حبايبنا الحلوين (على رأى فيلم خلى الدماغ صاحى)و دلوقتى
اللى يسرق يروح فين ياما .....يروح مارينا
و اللى يصيف يروح فين ياما.....يروح عند حبايبنا الحلوين
-----------------------
حامدة اوى والصورة حلوة بجد....
البوست كلة جميل ...هاشوف الارشيف وارجعلك
.:.-=- ELGaZaLy-=-.:.
عجبتك الصورة اوى
طيب
كل يوم من دة
و يتهيألى دى زيارتك الاول
اتمنى ان الارشيف يعجبك
و تزورنا تانى
و دمـتــــــــــــــــــــــــــم
ساموا
اللى يسرق يروح فين يا ماما ؟ مارينا
هو ده السبب يا ساموا انى انا مقاطعة مارينا و مرحتهاش لغاية دلوقتى
بجاحة فعلا مش عارفة ايه اللى بيحصل ده
تحياتى
هههههههههه
ناوية تصيفي فين بقي ياسامو ؟؟
مستضيفينها ؟
دي إجابة مقنعه تماما
شافيه كافيه وافيه
ضحكتيني وانا مش ليا نفس اضحك والله
ابقي عدي قريب هانزل بوست جديد
جايز بكرة او بعده
سلام يا جميله
lyssandra
Gannah
اشكرك على اهتمامك الشديد جنه رغم مشاغلك الكثيره
و زيارتك عزيزة عليا
يا سيتى هو الكلام بفلوس
يبقى كل واحد يقول اللى يعجبه
و دمتــــــــــــــــــــــم
lyssandra
ناويه اصيف فى بيتنا ان شاء الله
و حعتقل نفسى اصدى حستضيف نفسى فى بيتنا
ههههههههههههههههه
حروحلك دلوقتى اشوفك نزلتى البوست ولا لا
و متقطعيش الزيارة
و دمتـــــــــــــــــــــم
هههههههه
يااااااااه اتاريكى يا سامو كل سنة فى مارينا
طب مش تقولى
كنا سرقنا .....قصدى صيفنا يعنى مع بعض
هههههههههه
سلاموز بالموز
صحيح فيلم جاكى شان كدة بالذوق ومن غير ماقل ادبى واجى اخده من بيتكم
زى الشاطرة تنزلهولى على سى دى ويجيلى قبل مانخلص امتحانات
اهو اصيف جمبه احسن
ولا ايييييه؟!
saso
مكنتش عايزة اقهرك و اقولك انى لسه مخلصه فرجه عليه دلوقتى
و بم اننا حنسر ق اصدى حنصيف فى مارينا
مش حيبقى عندك وقت تتفرجى على الفيلم اختى
ههههههههههههههههههههههههه
على عينى يا باشا
انت تؤمر
و دمتــــــــــــــــــــم
حبايبنا الحلوين
شوفى كلمه جميله ازاى
لأوالأدهى انها تصف ناس اجمل
حسبى الله ونعم الوكيل بوست جميل
اتمنى تنورينى
ههههههههههههههههه
انا فهمت من صورة الحمار دى تقصدى بيها ايه؟
اما من حيث البرنامج فهو ضغط من كلوه من اول المزيع لحد الضيوف
واساله رخمه ورد ارخم مع غباء
تسلمى يا قمر على البوست
بنت مصريه
مش كدة بردوه
اكيد ان شاء الله اجيلك
همس
اه تحسى انه كله بيزعق و بيتعارك و مش عارف و المذيع بيدخل و يرمى كلمه و يطلع يجرى
ههههههههههههههههههه
و دمتـــــــــــــــــــــــــــــم
ازيك ياسامو ؟
اخبار الجميل اية؟؟
بالنسبة لحتة اسراء اصلا احب اقولك انها لا بطلة ولا بتاع هى الحكاية جت معاها كدة صدفة مش اكتر
ولما هوشوها مقدرتش تكون بطلة بالعافية
وبالتالى سلمت وبااعت
تحيااتى للجميل
البوست الجديد نزل..
دعاء مواجهات
الفكرة مش انها زى مبيقولوا
جت معاها بالصدفه
بس لو حسابناها من ناحيه
انه مجرد رائى
تخيلى بقه
كل اللى حصل دة عشان قالت رائى
و انتى لو مكانها مش حتخافى
معتقدش
و الله اعمل ايه اللى حصل معاها
لمجرد انها قالت رائى
اومال لو كان مع صبق الاصرار و الترصد بقه
كان حصل ايه
و منورانى دايما يا جميل
و دمتــــــــــــــــــــــــم
استضافة ونعم الاستضافة
هما بقوا بيستضيفوا ناس ورا الشمس كمان ههههههههه
Post a Comment