بتختلف هدايا عيد الام من شخص لاخر
و من وقت للتانى
زمااااااااااااااااااااااان و الواحد فى ابتدائى
بيجيب وردة
يجيب بسكوت
غالبا بيروح يشترى حاجات غاليه و يدبس ابوه فى تمنها
احم احم
و غالبا بتبقى الام موصياه انه يعمل كدة
احم احم
و اهو كله بتمنه فى الاخر
الاب يبقى بيشد فى شعرة انه ادبس فى عيد الام
و الام تبقى فرحانه لان جاتها حاجات حلوة من ابنها الصغير
هههههههههههههههههههههههههههههههههههه
و تفوت السنين
طبعا الهدايا كل ما الواحد يكبر
لازم قيمتها تزيد
و اللهى العظيم اجدع صوانى بيتزا من عند الاهرام
يلا
اهو ازكى عن صحتى و خلاص
اسكت سنتين و بعدين
عمرى ما عملتها فى حياتى
عايزة ايه يا ماما فى عيد الام؟
كان نفسى حد يجى يكتم نفسى و انا بقول الجمله دى
انا اتهبلت فى مخى عشان اسال السؤال دة
خلاص بقه اللى حصل حصل
المهم يا ستى انتى عايزة ايه؟
عايزة شنطه
الله جميل جدا
و تكون سودة
و ماله الون منتشر بس براحتك يعنى
طب بكام يا ماما؟
انتى معاكى كام؟
يا ستى قولى و ملكيش دعوة
يعنى فى حدود 90 جنيه
صمت و ذهول و اذبهلال و حاجات كتير اوى
معلش مسمعتش يا مامتى يا حبيبتشى قولتى كام؟
بقولك 90 جنيه
امممممممممممممممممممممممممممممممممممم
طب انتى معاكى كام يا بنتى قوليلى ؟
يعنى خمسينايه كدة
طب هاتيهم و انا اكمل عليهم و اجيب شنطه
طيب يا مامتى يا حبيبتشى
و على ذلك تم ما اتفق عليه
و بعد اسبوع
ايه يا بنتى مش حتجيبيلى الهديه ولا طنشتى ولا ايه؟
لا يا ماما لا ازاى يا حبيبتشى؟
ثوانى
ادى الخمسينايه اللى وعدتك بيها اهيه
شايفاها يا ماما شايفاها كويس
جميله مش كدة
يلا
كل سنه و انتى طيبه
المشكله بقه
فى السنه الجايه
حعمل ايه
انا ايش ضمنى انه حيبقى معايا اكتر من خمسينايه
يلا
انا حسيب السنه الجايه لما تبقى تيجى بقه
يا ريت كل واحد يقولى جاب ايه لامه فى عيد الام
و دمتــــــــــــــــــــــــــــــــــــــــــــــــــــــم
14 comments:
والله جدعه انتى عارفه بقى انا جيبت ايه بمعنى ادق انا عملت ايه قولت وانا اكلف نفسى على ايه انا اصلا عمرى فى حياتى ماجيبتلها حاجه انتى عارفه انا السنادى رحت علمت قلب كبير اوى وكتبت عليه كلمه ماما بس بالفرنساوى وخليته تحفه بس والله كلفنى يعنى اهى هديه ماما ما صدقتش نفسها لما شافته والله كمان عملت لجدتى حته بوكيه ورد هو كمان تحفه يلا ولا اهو زكى خليهم يفرحوا يومين
ودمــــــــــــــــــــــــــــتم
هههههههههههههههههههههههههه
و اللهى العظيم فكرة حلوة يا سندريلا
انا فكرت كدة بردوه انى اعملها حاجه
بس معندبش وقت و اللهى
فقلت كدة اسهل شويه
و دمتـــــــــــــــــــــــــــم
ههههههههههههههه
كلنا هذا الرجل
يا بنتى اصلا عيد الام ده بدعة وكل بدعة ضلالة وكل ضلالة فى النار
انا قولت الجملة دى ولقيتها بتقولى ماهى جت عندى والايمان والتقوى نزلوا
قمت دبست نفسى وقولتلها لا ما انا هجيبلك بس الاسبوع الجاى
عشان يعنى ماتبقاش بدعة
وادبست زيك تمام عايزة ايه يا مامتى قالتلى شنطة وسودا بدل اللى اتسرقت
مش فاهمة ايه حكاية الشنط دى
ما علينا
بس انا بقى ماسألتهاش بكام
وهنا الفرق
شوفيلى بقى محل حونين كدة
عشان اجيبلها منه
يلا اعملى خير واهو هيتردلنا
ودمتم
لماضه
الحمد لله انا مش لوحدى يعنى
HABAYEB2GETHER
يا ستى المحلات على افه من يشيل
تعالى نطلع انا و انتى المنشيه و نجبلها اجدع شنطه ب 50 جنى
50 جنيه كتير مش كدة
بلاش خليهم 30
كتير برده
طب هاتيلها بنطلون جينز اسود و قطعيه و اعملهولها شنطه و ريحينا بقه
طالما انتى مش عاجبك حاجه بقه
هههههههههههههههههههههههههه
يا حبايب
سيبيها على الله
بكرة نشترى خامات و تتفك
و يرزقكم من حيث لا تعلمون
ولا ايه
و دمتــــــــــــــــــم
انا روحت قريت الفاتحة لامى الاولى وبعدين وحت قريت الفاتحة لامى التانية
وقعدت ادعيلهم
كل سنة وانتى طيبة
raspoutine
طب و اللهى كويس
فى ناس كتير فى وضعك دة
و لا بتعمل اى حاجه
البقاء لله
و دمتـــــــــــــــــــم
مثل الأخ راسبوتين
قرأت لوالدتى الفاتحة، و دعوت أن ألقاها فى الآخرة على خير، و أن اجتمع بها مرة أخرى
آمين
على فكرة عيد الأم يوم جميل و بيكون فرصة لصلة الرحم و تجديد العلاقات مع الأمهات و ممكن كمان يكون فرصة للصلح إذا كان لا قدر الله فى مشاكل أو خناقات.. بس كالعادة عادتنا و تقالدينا هى اللى بتدفع الموضوع لشكله الخاطىء..
تلاقى نفسك لازم تجيبى حاجة لمامتك.. طب ما ممكن يتجاب فى السنة كلها ؟
لا لازم فى اليوم ده.. و لو خاطب أو متجوز يبقى حماتك هتدخل فى الموضوع، و ممكن جدتك و عماتك و خالاتك لو لزم الأمر..
و لو فى حضانة أو مدرسة يبقى تجيب للميس
و هكذا لحد ما الدنيا تخرب على دماغ اللى عاوز يجيب هدية
و الهدايا بقى.. طقم كوبايات ماشى.. عباية ممكن.. سجادة ميضرش.. برواز صور مش هنقول لأ و حاجات عجيبة تانية زى الاستشوار و المكنسة اللى بالكهربا أو طقم كتشن ماشين
طيب لو الحاجات دى جت فى يوم تانى .. أى يوم تانى.. هتبقى حرام ؟.. لن تقبل حسناتها ؟
أنا شايف أن أعظم هدية تتجاب فى يوم زى ده.. بوسة على إيد الأم و معاملة طيبة و ابتسامة دافية من القلب.. و الكلام ده يبقى اليوم كله و الأيام اللى بعدها و اللى قبلها..
و دمتــــــــم
عمرو
انا اعتبرت يوم الأم بدعة
و نسيت اقولها كل سنة وانت طيبة حتي
انا فعلا بني ادم قذر
بس انا اه الي يجبرني اني اقولها كل سنة وانت طيبة
محبها في قلبي عافية
بالرغم ان ممكن اعد الكلام الي بيدور بيني وبينها يوميا
وهو يا اصحي
يا الغدا في الفرن
يا تعالا بدري
يا متسهرش علي الكمبيوتر
الا انا بحبها وعارف انها بتحبني وده عافية عليا وعافية عليها
مش بمزجنا يعني
بس اه عاركة وعدت
وكانت هي دي هدية عيد الأم
يا رب سامحني يا رب
انا بقي واعوذ بالله من كلمة أنا ماجبتش أيها حاجة
لاني بالصلاة علي النبي جبتلها موبايل السنة اللي فاتت واستولي عليه والدي حبيبي قلت مادامت مامتي مش بتعرف تحافظ علي حاجاتها يبقي مش هاجيبلها هدية تاني
السلام عليكم ورحمة الله وبركاته
............................
كل سنة وكل ام طيبة وبصحة
انا عمرى ما جبت هدية لأمى فى اليوم ده :)
تحياتى
anwer
هديه مبتكرة بصراحه
مفقوع مرارتي من حماتــــــــــــي
لا مبرر برضه انك متجبلهاش هديه
ما انت ممكن تجبلها حاجه ميستخدمهاش غيرها طرحه شنطه جزمه
كدة
الحاجات ياما
YHYيــوســف الـمصـرى
على اساس ان عيد الام بدعه يعنى برده
و ماله ميضرش
يمكن ليك ظروفك
و دمتــــــــــــــــــــــــــــم
بسم الله الرحمن الرحيم
في الحقيقه , و خدي بالك في الحقيقه دي
انا عن نفسي اديت فلوس لاختي , رغم انها اصغر مني
بس اناث زي بعضيهم
بس المهم كتبت على الهدية اسمي
اللي هي كانت في علبة اللي انا معرفهاش لحد دلوقتي
بس على فكرة هدية عيد الام بالنسبة لينا
لان لسه مفيش راس مال
بتبقى هدية معنوية
و حتى لو وردة بتبقى جميله جداً
و شكراً على البوست الجميل
يا فتاة الساموراي
DoMaLaYs
محدش فينا لحد دلوقتى عندوه رأس مال
انا بردة لسه فى كليه
بس انا من عيد الام السنه اللى فاتت و انا بحوش
تخيل
سهله على فكرة
كل يوم جنيه
و عايزة اقولك
مش عارفه ازاى صفصفوا على 50 بس
هههههههههههههههه
و دمتــــــــــــــــــــم
Post a Comment