قرفــــــــــــــــــــــــــــــــــــاااااااااااااااااااااااااااااااااااااانه جدا
مش عارفه ليه؟
و عماله افكر اكتب عن ايه؟ اكتب عن ايه؟
اصلى مخنوقه يا جماعه
مخنوقه جدا جدا
و الخنقه دى من غير سبب
و بسبب الخنقه دى
بخنق ناس كتير اوى عزيزة على قلبى
لان امرى يهمهم
و صعب تلاقى حد دلوقتى يهمه امرك لله فى لله كدة
و ميكونش عايز منك حاجه
بس اعمل ايه يعنى
يا رب يفضلوا مستحملينا
المهم
الانسه جنه قالتلى اوصفلها ايه اللى حصل فى الاضراب
بصراحه مش عايزة احبطها
بس انا مشوفتش اللى يتحكى اوى
لانى نزلت الصبح بدرى
بس حقولك اللى عندى و رزقى على الله
يوم الاضراب دة انا نزلت من بيتنا الساعه 9 الصبح
لانى كان عندى معاد مع الدكتور ضرورى
اللى لو مروحتش فيها
مـــــــــــــــــــــــــــــــــــــــــــــو تى
بس
و بم ان امى بتخاف عليا و قعدت تتحايل عليا كتير
نزلت و خلاص
و قلت اسيبها على الله
طلعت على البحر عشان اركب مشروع عشان المستشفى فى بحرى عقبال عندكو
يسلالالالالالالالالالالالالالالالالالالالام يا اسكندريه
بجد بجد
حبيتها اوى
فاضيه بس مش اوى
فى هوا جامد
بس مش اوى
فى زحمه
بس مش اوى
لذيـــــــــــــــــــــــــــــذه
و غريبه
المهم
المشروع ماشى على البحر طبعا و انا عينى على الناس اللى على الكورنيش
متخيلين المنظر
ضباب كثيف مغطى ميه البحر و الناس واقفين على الكورنيش و بتبص للبحر
كأنها اول مرة تشوفه
و الناس مش كتير
و بجميع الاعمار
المشروع ماشى ماشى
قربنا على محطه الرمل
بضرب عينى من الشباك
الاقى 3 عربيات امن مركزى محترمين يملوا العين
دة الساعه كام
كانت 9 و نص الصبح
شويه و المشروع ماشى
المنشيه
برده 3 عربيات امن مركزى مش محترمين الدور دة
و ماله حترعبونا يعنى خلاص قديمه
شويه و القلعه
و الاقى برده 3 عربيات امن مركزى واقفين محترمين
و اللهى كان عندى احساس ان العربيات واقفه كدة مفيهاش حد
مجرد ارهاب برده
و لا فيها عساكر و لا حاجه
و دة الاحتمال الاكبر
و سمعت الناس بيقولوا ان المظاهرات فى المنشيه و محطه مصر
قلت ماشاء الله
و اللهى انا ممكن اطلع من المستشفى على المنشيه اهى قريبه
و يا انا يا إنتوا النهاردة
خلصت الدكتور و تليفونى رن
ايوة يا ماما انا طلعت خلاص
و اخبار السكه ايه؟
تمام يا ماما
طب تعالى على طول
ربنا يسهل
اوعى تروحى مظاهرة يا سامو اوعى عشان خاطرى يا بنتى
انا مش لاقياكى يا سامو
تعالى على البيت على طول
خلاص يا ماما ...حاضر
اوعى يا سامو تعالى على البيت يا حبيبتى على طول و هاتيلى الدوا معاكى احسن ضهرى بيوجعنى اوى
حاضر يا ماما
بس
ركبت مشروع تانى و روحت البيت
بس انا ملميتش الموضوع كله بصراحه
لانى ملحقتش اخرج فى اليوم دة
و ساعتها كنت مخنوقه بردوه
فتقدروا تقولوا انى مكنش ليا نفس لاى نشاط فى الدنيا
غير انى امـــــــــــــــــــــــــــــــــــــــــــــوت
و استريح بقه
استغفر الله العظيم يا رب
بس انا سمعت ان فى المحله الكبرى كان فيها شغل جامد اوى
و انفجارات و حاجات ولعت
و من وجهه نظرى ان دة حصل
لأن المحله كلها محلات لبس
و قماش و تجهيز العرئس
يا عالم
لسه و اللهى مش عارفه اركز
معلش سامحونى على تخاذلى
و دمتـــــــــــــــــــــــــــــــــــــــــــــــم
9 comments:
على فكرة
واضح ان الجو مرشوش خنقة
ساموا حبيبتى.....سلامتك و يا ريت تعرفى ان انا من الناس اللى يهمهم امرك لانى احبك فى الله. ايه ما تزعليش كلنا بنمر بلحظات الخنقه دى و ربنا بيعديها بس اوعى تقولى تانى نفسى اموت قولى كما علمنا رسول الله صلى الله عليه و سلم فيما معناه اللهم احينى ما كانت الحياة خيرا لى و توفنى اذا كانت الوفاة خيرا لى. و بعدين يا ساموا علشانك هنعمل غدا فى يوميات ولد مصرى بمناسبة افتتاح صالون التعليقات و هنخلى الباشمهندس يتحفنا ببطيخة حمرا سقعانة و انتى يا ستى عليك ربع جبنه بيضا من ام 4 جنيه و انا على العيش وما تخافيش هاحوش علشان اجيب من ابو ربع جنيه لحسن انت عارفه لو وقفت فى الطابور الغدا هيبقى عشا و نخاف على البطيخة تروح لحد تانى ومش هانروح بعدها الملاهى....اضحكى بقه
مفيش حاجة اسمها خنقة لله فى لله دورى ع السبب اكيد فى سبب ويا اما انتى عارفة وبتعملى عبده يا اما انتى نسيتيه ولو كدة وقعدتى مع نفسك ولقيتى مفيش سبب يبقى تقولى لنفسك كدة انا عبيطة اوى انا مخنوقة ليه مادام مفيش حاجة تخنق هو انا مجنونة ولا ايه وتقومى شاربة بعدها بق مية هتلاقى نفسك اتحسنتى ان شاء الله
ههههههه
بلاش تدورى ع النكد
متستاهلش
A.SAMIR
مش كدة بردوه
Gannah
الله يسلمك
و الف شكر يا ستى
و على فكرة
ضحكت و اللهى
بس انا عايزة اروح الملاهى بقه
و بعدين انا لاقيت واحد بيبع الجبنه ب 375 قرش
يعنى وفرت ربع جنيييييييييه
ههههههههههههههههههههه
ميرسى بجد
HABAYEB2GETH
اذا عرف السبب بطل العجب
ما علينا
بس ان دورت على السبب
و مش عارفه اساسا انا اتخنقت ليه
فقررت انى اعمل بالوصفه بتاعتك
و انا تمام الحمد لله
دة انتى طلعتى خبيره يا اختى و اللهى
و على رائيك
متستاهلش
و دمتـــــــــــــــــــــــم
لا لحسنى مبارك.. اكتبوها على كل عملة ورقية فيكى يامصر
ياريت كلنا نتبنا الحملة دية
تخيل كل عملة فى مصر مكتوب عليها لا لمبارك
الشعب خايف وديه وسيلة سلمية تماما عشان الناس تشجع بعض !!
مش ممكن يا جماعة الكلام العجيب اللى انا قريته ده خنقة ايه لا سمح الله انتوا اكيد بتهرجوا انتوا باين عليكم مصريين تايواني مش ممكن تكونوا أصلي او يمكن تجميع صيني لسه فيه ناس بتحس فيكي يا مصر ده تهريج.. تسيب.. انحلال وعلى العموم اللي هيشفع لك إنك قلتي إنك مخنوقة وده شئ هايل يبقى معنى كده إن كل حاجة في مصر زي ما هيه أحمدك يا رب.
Anonymous
تصدق فكرة
و الهى الشعب المصرى جواه طاقه
بس مضيق فكره دايما
Walad_Masry
هى بقه الخنقه دلوقتى طبيعيه
و على فكرة
انا مش تايوانى متقلقش
و بعدين طبعا حضرتك عارف اد ايه الحياه مشرقه فى مصر
فلازم دايما حريه التعبير عن المشاعر المخنوقه
و الف شكر على مرورك
و دمتــــــــــــــــــــــــم
هاي سامو طبعا انا مش هسألك مخنوقه ليه لاني معاكي في الكليه وطبيعي طبيعي عارفه السبب بس بقولك يوم الاضراب طبيعي ان كل الناس كانت تشترك بس المشكله ان في ناس ولا همها الموضوع عشان كده كان في ناس تانيه بتمنعهم بأنها كانت بتكسر في المحلات عشان تقفلها والله كل واحد حر يفتح محله ما يفتحش ده ما يزعلش الناس في حاجه وبما اننا شعب همجي كان من الطبيعي وجود الامن المركزي عشان يمنع المشكلات دي كلها وطبيعي برده كل الناس قالت انهم موجودين عشان يمنعوا الناس من المظاهرات وكانوا بيضربوا بسبب ومن غير سبب فياريت الناس تحاول تفهم بس شويه وميرسي يا سامو موضوعك جميل جدا وبعدين انا عيد ميلادي انهرده وما سمعتش كل سنه وانتي طيبه لحد دلوقتي نكدوا عليا بقي
shimoo
كل سنه و انتى طيبه يا جميل
و الحمد لله انتى عارفه انا مخنوقه ليه
و زى ما قولتلك هو فى حلقه مفقودة
و صدقينى
لا دة صح و لا دة صح
و بردوه الاختلاف فى الراى لا يفسد للود قضيه
و الف الف الف شكر على مرورك يا جميل
و يا رب اشوفك تانى
و دمتـــــــــــــــــــــــم
Post a Comment