كان يوم اغبر

حلو العنوان مش كدة؟!!!! ههههههههه

هو فعلا كان يوم

ليه بقه

تتوقعوا ليه


طب احكيلكم و لا اسيبكم تتوقعوا




بس انا طيبه و مش عايزة اسيبكم على نــــــــــــــــــــــــــــــــــــــــار






اليوم دة كان يوم السبت اللى فات دة



يوم الجمعه اللى قابله طبعا عارفينه


كنت عند تيته فى خمحافظه ما من ضمن محافظات الوجه البحرى بردوه


و اكتشفت يوم الخميس اللى هو قبل الجمعه اللى انتوا عارفينه



انى عندى امتحان يوم السبت الساعه 12


قلت طب حلو اهو الحق اسافر يوم السبت الصبح كدة الساعه 10 إن شاء الله



يجيلى خبر منيل بنيله و زى الزفت الله يحرقه يعنى


إن و لا مؤاخذه يعنى


سيادة العميدة رايحه ندوه فى مجمع الانشطه اللى قدام كليه هندسه


و لازم الكليه كلها تروح


طب الساعه كام يا عم الحاج


الساعه 9 الصبح


الله يحرق اليوم اللى دخلت فيه الكليه الفأر دى


معنى كدة انى حصحى الساعه 6 الصبح عشان الحق اركب و اسافر اسكندريه و الحق اكون هناك فى المعاد


المهم صحيت 6 و قمت من النوم 6 و نص


روحت ركبت مشروع و طلعنا على اسكندريه



و كان اللى سايق حمار مش بنى ادم


مفكر نفسه ماشى فى الصحرا و عمال يتمختر شمال و يمين



ربنا يستر



المهم



وصلت اسكندريه الساعه 8 و نص


حلو اوى


و نزلت قريب من الكليه و طلعت اشوف بقيه الزملا حيروحوا مع بعض و لا ايه؟



روحت لاقيت الشله بتاعتى و هى شله جلاكسى بلا فخر مفيش غير نفرين منها




اومال ساسو و كونان فين و مولى ؟


ساسو حتطلع على هناك على طول


كونان مش عارفين



و لا نعرف بردوه مولى ايه نظامها


طب يا جماعه انا مستنيه سندريلا عشان هى قالتلى انها حتركب بردوه و جيه على الكليه و نروح كلنا مع بعض


طيب


جت سندريلا و طلعنا ركبنا مشروع و روحنا على استاد مجمع الانشطه



روحنا لاقينا كليتنا هناك

اللى هى رياض اطفال(ايوه الناس الكتير اللى مش باينين دول انا كنت فى المدرج بقه و جايباهم بالزوم)ههه

و لاقيت تربيه رياضيه بنين و بنات

و كليه علوم

و كليه فنون جميله

و كليه حقوق

قلت اةةةةةةةةةةةةةةةةةة

دى شكلها حتبقى مراجيح النهاردة


يلا بينا


روحت اعد جنب كليتى



قالولى يا انسه لو سمحتى اطلعى بره ارض الملعب و ارجعى ورا


ارجع ورا فين انا عايزة اعد



و بضرب بعينى لاقيت 3 كراسى فاضين روحت عشان اجيبهم الراجل قالى



يا انسه



قولتله عايزة اعد انا حجيب الكراسى اللى هناك دى



قالى خليكى و انا حجيبلكم كراسى



طيب و اللهى شكلك راجل كويس



المهم شويه و راسى قرمشت من الشمس



هو الراجل راح فين


الكلام دة كان الساعه كام


حوالى الساعه 10 الا ربع كدة


شويه و جه شاب كده حيلوه


قالنا ايه


يا جماعه الناس الزيادة يتفضلوا فى المدرجات فوق



يسلام



انت تؤمر يا قمر


اصدى حضرتك



احم ..... احم


المهم طلعنا قعدنا فوووووووووووووووووق على المدرج بتاع الملعب

و الشمس قربت اكتر

قعدت انا و سندريلا و اسو و بوتو فوق على اخر درجه من المدرج فوق

و شويه و لاقيت فنون جميله راحت مرصوصه جنبى

خلى بالكم كل دة و الزفت اللى رايحين عشانه مبتداش


المهم بدأت الساعه 11 الا ربع كدة


طابور عرض


و كان اللى عامله بنات و شباب كليه تربيه رياضيه


اشمعن يعنى مش عارفه


و استوا يا عينى فى الشمس


و انا وشى اتحرق من الشمس بردوه اليوم دة


بقيت ملونه


ههههههههههههههههههههههههههه


و شويه و طلع واحد اتكلم


و بعد شويه غيره


و شويه و لاقيت واحد عربى داخل

و بعدين فورينر اختصار لكلمه اجنبى سيبكم من البنات اللى شايله يوفات فى اتنين ورا بعض داخلين اهوه

هما دول

جت الساعه 11 و تلت

قالولنا

يا جماعه الندوه حتكمل عند كليه تجارة


طب انا حسيب كل واحد فيكم يقول رائيه و يعبر براحته عن هذا الموقف ال ال

ما علينا

طبعا ولا تجارة و لا غيره

للخلف در

رجعنا على الكليه

طلع عندى امتحان

امتحنت
جيه امشى

طلع عندى امتحان تانى

طب يا جماعه فين ازاى امتى

مادة ايه

شويه و لاقيت الدكتور معدى

فى امتحان يا دكتور

اه فى النهاردة دلوقتى

شكرا

قلت اعد اريح رجلى شويه

مفيش ثوانى لاقيت بنات من دفعتنا ماشيين

ايه يا بنات هو الامتحان اتغير مكانه

لا ما الدكتور لغاه


نعم

دة لسه معدى من قدامى و قال ان فى

لا مهو قالنا و هو هناك انه خلاص مفيش امتحان

عايوة اقولكم انا موقعى كدة على اول طرقه

و هو كان فى اخر الطرقه دى

لو كانت النظرات تقتل

كان زمانى بقول عليه يا رحمان يا رحيم

بس خدت بعضى

و طلعت على الشغل

شويه و جت الساعه 5

ابتدى الشغل

خلص 7

مشيت 8 و نص

روحت البيت

مش شايفه الباب

مش شايفه الاوضه

لا

و انا ور ايا عمايل اكل كمان

استغفر الله العظيم


عملت الاكل

و كلت و قعدت على النت حبه

و حضرت عشان عندى تربيه عملى بكرة

و اترميت على السرير محسيتش بالدنيا

بذمتكم مش يوم اغبر بجد

انا ححطلكم صور الطابور اللى كان الصبح

و فى فيديو بس مش عارفه احطه ازاى

حد عاش يوم كدة زييى

اكيد فى كتيييييييييييييييييييير

اتحفونى اتحفونى

و دمتــــــــــــــــــــــــــــــــــــــــــــــــــــــم

ادى الطابور