خلصت الامتحانات و قلت بقه ادور على حاجه اقضى الصيف فيها بس تكون مفيدة من جميع الجهات
فلاقيت شغل
ايه بقه الشغل
مدرسه رياض اطفال فى نادى سموحه
ازاى مدرسه فى نادى
حقولكم بس اصبروا عليا
انا ماسكه فصل
من اقوى فئات العفاريت على وجه الارض
فصل الاربع سنين
يا ربنا
مش ممكن
عفاريت فعلا
المفروض ان معايا مدرسه كمان
بس مفيش ولا واحده قدرت تستحمل الفصل دة
بس على مين
انا لوحدى الحمد لله يعنى
اتقدمت فيه على اد مقدر
و بدأ يتعلم النظام
المفروض انى بدى الفصل دة فنى يعنى اعمال فنيه و يدويه غير الرسم طبعا
و بدى بقيه الفصول نفس الحاجه
و حنزل حمام السباحه و اعلمهم سباحه
و الاخت لسه غارقه الصيف اللى فات فى البحر
كله دة كوم
و عندى حته واد فى الفصل عنيد بشكل
و يعتبر قليل الادب
اخر عاركه بينى و بينه
ضربنى و عضنى و شدنى من الطرحه و شتمنى و قالى يا وحشه يا معفنه
شكله مفكرنى مش بستحمى ولا ايه
محدش يعنى سألنى وقالى ليه كل دة؟
انتى حتعملى عقلك بعقل طفل صغير
اقولكم لا طبعا و اقول اللى حصل
المفروض انهم كاناو بيلعبوا بالمراجيح فى الشمس
فعطشوا جامد
طبعا غلط جدا و جسمهم لسه سخن من اللعب انهم يشربوا
فقولتلهم نروح الفصل نغسل ايدينا و وشنا و نشرب براحتنا
عشان يكون عرقهم نشف عشان ميتعبوش
انما بقه الباشا حسين
يقولى لا
عايز اشرب
و يسيبنى و يطلع يجرى على الكافتيريا فى النادى
على مين
طلعت جريت وراه و مسكته
و شديته و رجعت تانى
و انا ماسكاه وقفت الفصل طابور و خليت الدادا تطلع بيهم على الفصل و انا راجعه لوحدة بحسين
يا لهوى على المجزرة اللى حاصله
ضرب و ينام فى الارض و يحاول يعضنى
و انا ماسكاه من دراعاته الاتنين و مش قادر يفلفص منى
يعمل ايه بقه هو عشان انا ممشيش
يلف رجليه الاتنين حوالين رجلى عشان ممشيش
فقولتله انت مفكرنى كدة مش حعرف امشى
فبقيت امشى و هو مكلبش فى رجلى
يا عينى الواد بقه مش قادر عليا
و فضل يعيط و يصوت و يدبدب فى الارض
و انا ماشيه برضه ولا هاممنى
لحد لاقيته بيقولى
انا تعبت
قولتلها ايه تعبت طيب اشيلك يا حسين
قالى اة
فشيلته و روحت على الفصل
قعد يعيط شويه
و بعدين قولتلها ها عايز تشرب
قالى لا لسه مغسلتش ايدى و وشى
قولتله طيب
يلا روح مع الدادا
بس
رجع شربته و قعدت اتكلمت معاه
و قالى انا اسف
بس طبعا كان لازم اقول لمامته عشان يعرف ان مش كل مرة تسلم الجره
و مامته عارفه ان ابنها معاملته صعبه
هو مش عنيد
بس هو يوم لما دخل الروضه
لما المدرسه تطلب منه يعمل حاجه و ميرضاش
كانت بتضربه عشان يعملها
فهو اتعلم
ان لو هو كان عايز حاجه من حد و مرضاش لازم يضربه عشان يرضى
عشان كدة انا مرديتش اضربه
عشان يتعلم ان مش كل حاجه بالضرب
و ان هو لما سمع الكلام الحاجه اللى عايزها عملتهاله
بس طبعا مش ممكن سلوكه يتعدل من مرة واحده
بس عايزة اقول انى روحت دراعى بيوجعنى جدا
و ركبتى الاتنين فى قمه الالم
من كتر جره لحد الفصل
دة غير بقيه العفاريت
و لسه فى حكايات كتير جدا على الشغل المهبب الى اشتغلته
و ربنا يقدرنى على فعل الخير
هههههههههههههههههههههههه
و لينا عوده إن شاء الله
و دمتـــــــــــــــــــــــــــــــــــــــــــــــــم
33 comments:
هههههههههههههههههههه
ههههههههههههههههههه
هههههههههههههه
هو انتى لسه شفتى حاجه
كنتى عملتيله كام حلركه من بتوع ساموراااااي
هههههههه
لأ بس بجد الاطفال لازم ليهم معمله خاصه ....انتي برافو عليكي سيطرتى على الولد انتى عارفه انك بكده ممكن تكوني صحبته
الولاد بتبقى فى منتهى الذكاء لو زعق و دبدب حيجيب نتيجه ...خلاص يبقى هوه ده الاسلوب التبع لتنفيذ اللى فى دماغه هههههههههه بس بصراحه جادعه جداً
ساموا
مش عيب كده تنزلى بوست جديد من غير ما تقولى ليه بقى الحركات دى؟مكنش العشم يا ساموا!. احييك على انك بتشتغلى وعلى صبرك اصل السن ده يجنن العاقل بس برافو عليكى تربوية مية مية. الاطفال اذكياء وبيعرفوا اذا كان اللى قدامهم جد ولا لا وحسين ده هيبقى صاحبك ودراعك اليمين فى الفصل بعد كده وبصراحة اهى فرصة تدربى علشان الساموراى الصغيريين لما يشرفوا ان شاء الله تكونى بقيتى خبيرة. ادينا يا ستى بندعى ان باباهم يشرف الاول.بس على فكرة انا ضحكت وانا فعلا كان نفسى فى حاجة تضحكنى. شكرا يا ساموا
تحياتى
يا نهار أزرق ايه ده يا جدعان هو فيه أطفال بالشكل ده
أنا فاكر وانا طفل صغير كانت بس المدرسة تبص لي تلاقي وشي إحمر واخضر وجاب ميت لون
إلا بالحق يا ساموراي أنا سامع إنهم بيدوروا على واحدة تمثل مصر في أوليمبياد بكين في المصارعة الروماني ايه رأيك؟ متهيألي ممكن تضمني لمصر ميدالية
هههههههههههههه
جامدة اوى حكاية حسين دى
وبالنسبة للعوم هتغرقيهم يعنى
يالا اهو التعداد يخف شويةهههههههه
وبالنسبة للضرب كويس انك ما عملتيش كده
وربنا يقوى ايمانك ههههههه
هههههههههههههه والله شغلانه حلوه بس متعبه عارفه الاطفال دول لما يكونوا حلوين ومزاجهم كويس ياه فعلا ملايكه لكن لما يقبلوا على الوش التاني بيكونوا فظيعين زي حسين كده واكتر على الاقل هو استسلم في اطفال افظع منه ربنا معاكي ويوفقك
الله يكون فى عونك
العيال بتبقى رزله بشكل
فى توفلتى اللى عشتها فى قمه البراءه
راحت البرائة من بعدى
ههههههههههههههههه
شدى حيلك
ارفعى رسنا
يخرب عقلك
إيه اللي حدفك ع الشغلانه دي ؟؟
بس عارفه ؟
أنا عارفه إنك قدها
وعارفه كمان انك بتحبي شغلك ده
ومغامراتك فيه لذيذة أوي
أنا ضحكت بجد
هاستني باقي المغامرات
أول ماتنزلي بوست جديد عدي وقوليلي
سلام يا قمراية
lyssandra
واحدة مفروس
لا دول مينفعش معاهم حركات الساموراى
حيقلبوا على كاراتيه
اهو الواد دة انا الوحيده اللى بيسمع كلامها
تخيلى
بعد الضرب دة كله
و دمتــــــــــــــــــــــم
Gannah
متزعليش منى بس يادوبك
انا حطيت البوست و دخلت انام على طول
و بعدين ساموراى صغيرين ايه بس
دول عفاريت
و دمتـــــــــــــــــم
Walad_Masry
يا عم مصرى اضمن ميداليه
ههههههههههههههههههه
هو انا اضمن نفسى لساعه جيه
ههههههههههههههههههههه
و بعدين فى اكتر من
و اكتر
و اكتر
انا عندى عيال
اللهم احفظنا
و دمتــــــــــــــــــــم
princess
اة تصدقى
غرقت و اللهى الصيف اللى فات
مش عارفه حعمل ايه معاهم
ربنا يستر
و دمتـــــــــــــــــم
حاسوباتيه
على فكرة حسين حاليا اتنقل من فصلى
و مدوخ الميس بتاعته برده
و مش عارفه تعمل معاه ايه
و ربنا يستر عليا
و دمتـــــــــــــــــــم
همس
البراءه دى مش بتطلع الا لما تكونى عايزه حاجه انا عارفه
ههههههههههههههههههه
و فعلا البراءه اختفت
يا شيخه كنت نطيتى من تفولتك على المراهقه من غير تفوله
ايه التفل الكتير دة
ما علينا
و دمتــــــــــــــــــــم
lyssandra
و اللهى محدش حدفنى
انا حدفت نفسى
لانى فى كليه رياض الاطفال
و دى دراستى اساسا
اعمل ايه بقه
حكم القوى
و ان شاء الله لما انزل بوست تانى
حقولك
و دمتـــــــــــــــــــــم
مساء الفل
أنا بعتبر أي حد بيتعامل مع الأطفال بطل
ربنا معاكي
Waan
هههههههههههههههههههه
اان بقيت بطله كمان
بطله الساموراى
شرفتنى زيارتك
و دمتـــــــــــــــــــــم
هههههههههه
بجد الاطفال دول عساسيل اوي
ومحتاجين معامله خاصه وبجد
صبوره اوي ومعاملتك كويسه اوي معاهم
بس علي الاقل اهم لسه صغيرين
مش زي بتوع اعدادي الرخمين
اللي طلعوا عينا في التربيه العملي
وياريتني كنت بقدر عليهم :)
هههههههههههههههههههه
ربنا معاك
بس انتى اتصرفتى مع الطفل تصرف جميل اوى
شكلك كده مدرسه جامده
ربنا يوفقك فى حياتك
الف مبروك على تخليص الامتحانات واحلى شغل مع احلى حاجة فى الدنيا الاطفال
جميل ما قومتى بية مع حسين وكويس انك مش ضربتية لانى ضد ضرب الاطفال
تحياتى
may
اكيد يعنى
مدرسين التربيه العملى بتوع المراحل العمريه العليا زى الابتدائى و الاعدادى
بيتعبوا جدا جدا
لانهم بيبقوا عارفين انكم مش اكبر منهم
و بعدين الطفل دلوقتى مش زى زمان
دلوقتى العيل يبقى طول ركبتك
و تلاقيه يأوح ماوحه
إسألينى انا
شرفتنى زيارتك
و دمتـــــــــــــــــــــم
sasatifa
ربنا يخليك
يا عم ولا جامده ولا حاجه
دول ساعات بيخلونى اشد فى شعرى
ربنا يستر عليا انا
مش عليهم
متقطعش الزياره
و دمتـــــــــــــــــــــــم
Tamer Nabil
ربنا يخليك
و ربنا يستر فى النتيجه
و بالنسبه للضرب
مينفعش اضرب طفل عشان يعمل اللى انا عايزاه
لانه حيعرف بقه ان الضرب هو الوسيله انه يوصل للى عايزوه
و بعد كدة العنف
اطلع خارجين عن القانون بقه مش شباب المستقبل
ههههههههههههههههههه
شرفتنى زيارتك و متقطعش الزياره
و دمتـــــــــــــــــــــــم
السلام عليكم اولا
بصى يا ستى الفترة دى اصعب فترة فى حياة اى طفل السن دة تقرييبا اخطر سن بيمر بية الطفل الى هو بيبى راجل بعد كدة او ست...واى حركة بتاثر فيهم ... بجد ربنا يقدرك ...
.:.-=- ELGaZaLy-=-.:.
فعلا عندك حق
المرحله دى اخطر مرحله فى حياه الطفل
و فيها بيتعلم اساسيات كل حاجه
التعليم فى الصغر كالنقش على الحجر
ولا ايه
شرفتنى زيارتك
و دمتــــــــــــــــــــم
هههههههههههههههههه
بجد ربنا يعينك
مهو كلمة اطفاال دى خلاااص
اتلغت مبقتش موجودة
فى قاموس حياتنا
ربنا معاكى
لو احتجتى اى مساعدة احنا موجودين ياقمر
بيس
I can't close my mouth from laughing
if i were in u the first thing to do is to escape from this job
hhhhhhhhh
دعاء مواجهات
متحرمش منك يا دودو
و يا رب يسهل الشغلانه دى
بدات اتشائم منها بصراحه
و دمتــــــــــــــــــــم
Cars Cars Cars
مينفعش اهرب من حاجه
و بعدين اهرب ازاى يعنى
دى دراستى
اهرب منها
بعد كل دة
و اهرب من دراستى
مينفعش
اهو عذاب و انكتب علينا
نستحمله بقه
شرفتنى زيارتك
و دمتـــــــــــــــــــــــــم
هههههههههههه
جميل جداً البوست ده
بس مصعبش عليكي الواد خاااااالص ؟
و يقولك اوقفوا العنف ضد المرأة
معلش اذا كنت انقطعت عن مدونتك قبل كده بس ده بسبب الامتحانات
و اوعدك انا هتابعك اول باول بعد كده
باي
DoMaLaYs
دة مينفعش معاه انه يصعب عليا
لان دة كان فاهم ان العنف
هو الحل عشان يوصل للى هو عايزوه
انما انا فهمته
انه مهما عمل
مش حسيبه
و مش حعمله اللى هو عايزوه
انما لو اتكلم براحه
حياخد اللى هو عايزوه
بس
و ياريت تنفذ كلامك
يا إما حسجلك انقطاع
و حفصلك
ههههههههههههههههههههههههه
و دمتـــــــــــــــــــــم
ربنا يسبتك ويقوى ايمانك وبلاش تغرقيه ادعيله بلهدايا ههههههههههه بوست هائل واتمنا زيرتك
ادم المصرى
يا رب
ربنا يسهلى بس
و الاقى مقابل لكل دة
و ان شاء الله ازورك قريبا
و دمتـــــــــــــــــــم
هههههههههههه
دا مشكلة عم حسين دا...نموذج للطفولة المشردة فى العالم العربى
هههههههههههه
بصى هى فكرة تحفة انك تشتغلى فى الاجازة و احلى حاجة ان مجال الشغل مع الاطفال دا عامة مفيد ليكى فى حياتك...بس ربنا يقدرك و احلى حاجة انك حاسة بمسئوليتك ادام الاطفال دى و نعمل ايه عشان نفهمه ايه و كدا...ربنا معاكى...هو السن دا فعلا رخم بس هما ان شاء الله يتعودوا عليكى و يحبوكى و تقدرى تفيديهم
Post a Comment