ناويه احترم نفسى.... و اقدم استقالتى

انا عارفه انى استاذه مصايب

الحمد لله انا اعرف دة عن نفسى

بقالى كام يوم مخنوقه من الشغل و الشغل مخنوق منى

و شكلى حعملها و اللهى

حصل كذا موقف

اولهم

انا بوظتلهم الكاسيت

هههههههههههههههههههههه

ازاى

اقولكم

المفروض انه مطلوب منى انى احضر عرض عشان اعرضه فى اخر المنتدى

عرض زى ايه

زى مثلا عرض رياضى

او تمثيل قصه او مسرحيه

و انا ناويت انى اعمل اربع عروض

واحد رياضى على اغنيه حماقى

واحد على اغنيه فطوطه

و قصه

و عرض مرح كدة للاطفال بتوع الاربع سنين

المهم خدت الكاسيت و عماله ادرب البنات على عرض حماقى

و كل شويه اطفى و اولع الكاسيت

و معايا المدرسه زميلتى بسمه مشتركه معايا فى تنظيم العرض

المهم انا طفيت الكاسيت و بقولهم يا بنات نرفع ايدينا فوق شويه

فرح انتى بتتأخرى شويه فى حركتك اشتغلى بالعد

مش عارف ايه

يلا استعدوا

مفيش حاجه

هو انا دوست ولا لسه

صوته مش طالع ليه

لاقيت بسمه جيه بتقولى شغلى يلا

قولتلها مش عارفه شكل الكاسيت جاتلوه ساكته قلبيه

يا ضنايا اشتغل ربنا يهيدك

و فضلت وراه

يهيدك يرضيك ربنا يسهيك

مفيش فايده

بصيت لبسمه وقولتلها

و لا اكن فى حاجه و لا نعرف اى حاجه

يا أم حسن

تعالى شيلى الكاسيت احنا خلصنا خلاص

البنات بقه

ليه يا ميس كدة

ليه؟

خلاص النهاردة انا تعبت بقه

نكمل بكرة

و خدت بسمه على جنب و قولتلها

حاسس بمصيبه جيالى

مصيبه مكنتش على بالى

ربنا يستر

و اتفقنا اننا كنا مشغلينه عادى و طفناه و مرديش يشتغل تانى

و فعلا هو دة اللى حصل

يعنى انا مش حكدب

كان شكلى وحش لما عرفوا ان اخر ايد كانت ماسكه الكاسيت كان انا

بس انا عملت عبده الاهبل بقه

دى حاجه

الحاجه التانيه و انا بشغل الاطفال ايروبكس الصبح

شفت واحده صحبتى واحشانى جدا بتشاورلى

سبت العيال و طلعت جريت عليها و حضنتها

و العيال طلعوا يجروا ورايا مفكرينه جزء من الايروبكس

و انا بقه مش اعمل حسابى ان المديرة واقفه ورايا

لا

سيبت الشغل و طلعت اسلم على البت مايا

و المشرفه جت ورايا تزعقلى

كان شكلى معفن

بس

ربنا يستر يعنى

بس بدأت اتخنق من الشغل دة بصراحه

و شكلى حخلص الشهر دة و حسيبه

ربنا يستر بقه

و لينـــــــــــــــــــــــــــا عــــــــــــــــــــــودة

و دمتـــــــــــــــــــــــــــــــــــــــــــم