تحديثمعلش يا جماعه محدش يزعل منى انا عارفه و اللهى انى كروكتكم كدة
و محكيتش كل حاجه
بس انا اد كلمتى و حكملكم الحكايه دلوقتى ان شاء الله
نبدأ من الاول
انا قاعدة فى شغلى
و فى حالى
لاقيت نمرة غريبه بتتصل بيا
و بصراحه انا مش بتفائل بالنمر الغريبه ابدا
المهم رديت
الو السلام عليكم
و عليكم السلام
ازيك يا سامو عامله ايه
انتى فين
جيبتى النتيجه
نتيجه ايه
يا بنتى انتى نايمه النتيجه نزلت فى الكليه دلوقتى روحى شوفيها
ايه بتتكلمى جد
طب انا فى الشغل حستأذن و اروح اشوفها
سلام دلوقتى
طبعا انا تلجت و عماله اترعش
و طلعت على المشرفه بتاعتى و قولتلها انا عايزة اروح اشوف النتيجه و الكليه قريبه و مش حتأخر قالتلى استنى لما ناديه زميلتى فى الفصل تيجى من كليتها
ناديه فى كليه تجارة يعنى قدامها ساعه عبال ما تيجى
و انا فى رياض اطفال جنب النادى اساسا
اللى هو حاخودها مشى 5 ق اكون هناك
قعدت الف على زمايلى اشوف مين منهم فاضى يجى ياخد مكانى عبال ما اروح و اجى
لاقيت حبيبه قلبى ريهام فاضيه
فقلت للمشرفه بتاعتى ريهام حتعد مكانى
فبصيتلى كدة
حسيت منها انها كانت عايزة تعقد الموضوع و انا لما حليته بتفكر انى سوسه يعنى
فإتخنقت منها بصراحه
قولتلها اروح
قالتلى طيب يلا نص ساعه و تكونى عندى لو إتأخرتى انتى حره
شوفوا الرخامه
المهم خدت بعضى و طلعت على الكليه
قريت الفاتحه و المعوزتين و دعيت ربنا و دخلت
التليفون طبعا مبطلش رن و صحابى عارفين انى فى الكليه بشوف النتيجه
المهم طلعت عماله ادور على اسمى
بصوا انا بفضل صحابى قبل منى فى كل حاجه انما النتيجه استحاله لانى ببقى متوترة جدا
و ببقى عايزة اهدى عشان افتكر نتيجه كل واحده
فلازم اعرف نتيجتى انا الاول
و بعدين بشوف الناس كلها
المهم عماله ادور على اسمى ادور
لاقيت اسمى منور فى كشف اللى جايبين جيد شطرتتين
بس كفايه جيد
ففرحت اوى
قلت دة بركه دعاء امى و دعائكم
الحمد لله الحمد لله
رديت على التليفون
ايوه يا سمورة ها عايزة نتيجه مين
ايوة يا سامو ربنا يكرمك اطلعى على سنه اولى شوفيلنا نتيجه كذا و كذا
طبعا انا اتشليت بس قلت ما علينا روحت شوفتلها النتايج
و بعد كدة رجعت اشوف نتايج صحابى بقه و لاقيت صحبتى الانتيخ نجحت بردوه و جابت جيد
و هى الاخت ساسو
و بصيت على نتيجه واحدة صحبتى كمان انتيخ بردوه
جابت مقبول
و اللهى فرحتلها
لانى كنت حاسه اننا حنسقط مش اللى هو حنجيب تقدير
لا انا توقعت اننا حنسقط و نعيد
بس الحمد لله
بس هى زمانها زعلانه اوى
بس انا بقول الحمد لله على كل شىء
و انا ببص على النتيجه لاقيت واحده من المشرفات بتوع النظافه و لوازمها بتقولى الف مبروك بصيتلها كدة و قولتلها الله يابرك فيكى
و فى جرس كدة عمال يرن فى دماغى
عارفين اللى هو هى تعرفنى منين عشان تقولى الف مبروك
فبتقولى الحلاوة ايه بقه
قولتلها و انا عماله اقول يا شيخه مالك كويسه كدة و فرحنالى
قالتلى ايوة طبعا الف مبروك فين الحلاوة
قولتلها حلاوه ايه ان شاء الله
قالتلى حلاوة النجاح
رديت عليها بقه ما انا جايبه جيد
يا شيخه دة انا اللى واقفه على الكرسى و عماله اجيب النتيجه لنفسى
و كنت حقع
و كمان تقوليلى حلاوة
طب انا سقطت
سلامو عليكو
طبعا فى كلام كتير اتقال بس مالوش لازمه يعنى
و بردوه و انا بشوف نتيجه سنه اولى لاقيت واحده غريبه كدة بتقولى نفس الكلام
قولتلها انتوا منتشرين فى الكليه كدة ليه
محسسنى انها نتيجه الثانويه العامه و انا مش عارفه
المهم طلعت ادنجل على الشغل و كلمت ساسو و عملت عليها حوار
بقولها ساسو انا و انتى مع بعض السنه الجايه بصروت حزين كده
فبتقولى لا متقوليش
لا اسكتى يا سامو
قولتلها و اللهى العظيم يا ساسو انا و انتى مع بعض السنه الجايه
و جيبنا جيد
لولولولولولولوللولى
مش عارفه اقولكم على الفرحه اللى انا و ساسو كنا حاسين بيها
و هى بتقولى انا راكبه تاكسو جيه فى شارع الكفار اول محشوفك حنزل
اوك سلام
انا خدتها جرى من تحت النفق
و طلعت على الشارع لاقيتها فى وشى
خدتها بالحضن
و عماله اصرخ و فرحانه انى نجحت
لا و ايه
بتقديـــــــــــــــــــــــــــــــــر
يعنى مش اى حاجه يعنى
و قالتلى طب انا حروح اشوف النتيجه لبقيه العيال التانيه اشوفك النهارده بعد العصر اوك
اوك
و سيبتها و رجعت الشغل تانى
بس كنت فرحانه اوى
الحمد لله على كل شىء
بس دى كل الحكايه
عشان محدش يزعل منى
و دمتــــــــــــــــــــــــــــــــــــــــــــــــــــــــــــــــــــــــــــــم
**************************
النتيجه طلعت الحمد لله
نجحت الحمد لله
بتقدير جيد
الحمد لله الحمد لله
معلش مش حقدر احكى اكتر من كدة عشان مفيش وقت
اكملكم بعدين
و دمتـــــــــــــــــــــــــــــــــــــــــــــــــــــــــــــــــم
21 comments:
مبروووووووووووووووووووووك يا ساموا يا قمر الحمد لله الذى بنعمته تتم الصالحات. طلعى صدقة وصلى ركعتين شكر لله
تحياتى
يا سلااااااااااام
مبروك الف مبروك
بس لما كنتي خايفه على النتيجه تقعدي معانا بالساعات و تكركبي بطننا و لما تنجحي
تجري و تقولي معلش مش حقدر احكي
طيب
ماشي
حفوتهالك بس علشان ناجحه
مبروك
مبروووووووووووووووك يا سامو الف مبروك فرحتلك اوى اوى هبعتلك شوكلت هههههه
مبروك يا جميلة
مبروووووووووووووووك يا سامو الف مبروك فرحتلك اوى اوى هبعتلك شوكلت هههههه
مبروك يا جميلة
يا ألف نهار أبيض
يا ستي ألف ألف مبروك (يعني مليون مبروك علشان لو كنتي ضعيفة في الحساب)
بس بقولك ايه إنتي فاكرة نفسك هتقدري تضحكي على "زكي باشكها" عايزة تاكلي علينا الحلاوة لممكن أبدا
ما هو حاكم الجواب بيبان من عنوانه والبوست المكتوب اللي قلبتينا فيه بيقول كده
مش هنقبل اقل من عزومة سمك وجمبري الموضوع دخل في جيد يعني مش أي تقدير
ننتظر الرد بمكان وزمان العزومة
عشان تحرموا تذاكروا بعد كده
ألف ألف ألف مليون مبروك يا سامو
مش قلتلك ماتقلقيش ربنا هايعديها علي خير ؟؟
الحمد لله انك إطمنتي وطمنتينا
فرحت أوي والله
lyssandra
ايه السلق دا؟
بس مبروك يا ستى
ألف مبروك يا ساموووووووو
و عقبال الماجيستير و الدكتوراة
و عقبالي انا كمان دي كلها يومين
دعواتك
ألف ألف مبروك
و عاوزين الحاجة الساقعة بقى
:D
الف الف مبروك وعقبال السنة الجاية وتبقى مدرسة اد الدنيا وتشتغلى فى احسن الاماكن وتبقى كمان صاحبة حضانة ولا مدرسة ومتحتاجيش تستاذنى من حد ولا تدوري على حد ياخد مكانك وانتى رايحة اى مشوار وكمان حتشغلى المشرفة الباردة ديه عندك ومتدهاش اجازات خالص
اول مره دخل مدونتك عاشقة القمر من السودان الف و عقبال الماجيستير و الدكتوراة
مبروك
Gannah
الله يبارك فيكى يا جنه
و ان شاء الله يحصل
و دمتـــــــــــــــــــم
واحدة مفروسة
الله يبارك فيكى يا مفروسه
معلش و اللهى بس انا حكيت الحكايه كلها
اهوه بالتفصيل الممل
و معلش على كركبه بطنك
هههههههههههههههه
و دمتـــــــــــــــــــــــــم
princess
الله يبارك فيكى
مفيش حاجه وصلت يعنى يا برنسيس
ينفع كدة
و لا هى عزومه مراكبيه
و دمتـــــــــــــــــم
Walad_Masry
هههههههههههههههههههههه
الف الله يبارك فيك
دول 1000 بردوه عشان لو كنت ضعيف فى القراءه
و الف شكر و اللهى
و اشمعن سمك و جنبرى يعنى
يا سيدى انت تؤمر
بس مينفعش تكون إزازه كازوزا
هههههههههههههههههههه
ممكن نتفاوض مش كدة
و فعلا
انا حرمت اذاكر
ههههههههههههههههههه
و دمتـــــــــــــــــــــــم
lyssandra
الله يبارك فيكى
و بعدين دة بركه دعائكم ليا يعنى
و كمان طبعا توفيق ربنا
الحمد لله
و دمتـــــــــــــــــــــــم
blue-wave
الله يبارك فيك
خلاص السلق عدى
و حكيت كل حاجه
و دمتـــــــــــــــــم
عمرو عز الدين
الله يبارك فيك
يا عم هو انا عارفه اوصلك اصلا
و لا تحب اوصلك الحاجه الساقعه دليفيرى زى الكتاب بتاعك ولا ايه
انا جيالك اعرف عملت ايه
ان شاء الله يكون خير
و دمتـــــــــــــــــــــــم
yaso
يا رب يا رب يا رب
بجد
يسمع من بؤك ربنا
و الله يبارك فيكى
و دمتـــــــــــــــم
عاشقة القمر
ان شاء الله متكونش اخر مرة
و يا ريت اشوفك كتير
و الله يبارك فيكى
و دمتـــــــــــــــــــم
مبروك يا ساموااااااااااا
يا وحشة ياللى بطلتى تزورينى
وعقبال البكارليوس والشغل بالمرة
ايه اخبار الكس فى الصيف؟؟
تحياتى
Post a Comment