دول كلمتين كاتمين على نفسى حبتين
و بم ان دة بلوج الفضفضه و القرف
و تزهيق بقيه البلوجريه معانا
نصيبهم بقه نعمل ايه
تقولولى اكتر حاجه تنرفزك فى الدنيا ايه يا بت يا سامو
اقولكم اللى يحاول انه يبوظلى حاجه انا مخططالها
او انه يدخل فى خطه ما بحاول اعملها
او انه يدخل فى نمط حياتى ويحاول يمشيه على مزاجه
او انه يحاول يقرفنى فى عيشتى
احب اقولكم ايها الساده عن ان البنى ادم دة
قولوه عليه يا رحمان يا رحيم
لانه باللى عمله دة
صحى بركان كان خامد جوايا
او شرب تنين شويه جاز
و حينفجر فى وشه ان شاء الله
انا فى حاله من النرفزه عاليا اوى
لأن النهاردة كان يوم مهم اوى بالنسبالى و كنت مخططه اعمل فيه حاجه مهمه جدا
بس نقول ايه بقه
لا نزلت و لا عملت اللى كنت مخططاله
و انا فعلا فى قمه نرفزتى
و الكى بورد من قوة صوابعى عليها و انا بكتب الكلام دة
حتقوم تشتمنى
مش عارفه اعمل ايه ؟
مضايقه اوى اوى اوى
و مش طايقه نفسى
مش عارفه اعمل حاجه
مفيش فايده على رأى مصطفى قمر
مفيش فايده
و دمتـــــــــــــــــــــــــــــــــــــــــــــــــم
11 comments:
ياه ليه كل ده ماعاش الي يزعلك كده ابدا ياقمر ماتزعليش نفسك ابدا ومعلش كله خير خير وكل تاخيره وفيها خيره مين عارف يمكن خير والله اهدي انتي كده بس والي ماعملتهوش انهارده اعمليه وقت تاني وهيطلع احسن كمان هدي نفسك بس
لألألألألألألألأ
ماعاش ولا كان اللى يزعلك
انتى بس شاوريلنا عليه واحنا نقطعهولك حتت
اهدى بس وانشاء الله تتعوض
مش فاهم حاجة
اهدي بس كدة وفهمينا الموضوع ايه بالظبط بدل قصص هتشكوك اللي عملهالنا دي
النهاردة يوم مهم قوي .. عايزة اعمل حاجة .. ومعملتهاش .. البني آدم ده قولوا عليه يا رحمن يا رحيم
هوه ايه أصله ده
متفهمينا الموضوع ايه ولا انتي عايزة تحرقي دمنا وخلاص
انطقي قولي بالتي هي احسن
سامو سا قمرة
اولا كل سنة و انتى طيبه و بخير و بسعاده
جبتى الفانوس ولا لأ
جبتى الياميش ولا لأ
جبتى جاز و لا لسة
اصل الواحد لما بيبقى كتنرفز بيجيب جاز
قوم يولع اسرع
بصي يا ست البنات
الوحش او الوحشه اللى بوظولك خططك.....ارميهم البحر
ولا تدايقى نفسك ابداااا يا سااامو يا قمرة
بس حقولك حاجه
اتنرفزي على قد ما تقدري
اغلي جدااا
ودبدبي و اشتمى...و كسري
وخاصمي اصحابك
واخبطي راسك فى الحيط
بس اللى ربنا عاوزه فى الاخر حيكون
انت تريد و انا اريد والله يفعل ما يريد
العقل فى التفكيروالرب فى التدبير
و ما تتنقلش قدم عن قدم الا باذن الله
و ما حينوبك غير فوران الدم النرفزه و الزعل و النكد
فررررررررررررررررررفشي قومى اتمشي على الكورنيش و كوليلي كوز دره مشوي
ولا سلميلي على البحر
و لا شميلي شوية يود
ولا اقولك روحي للاخ كلاسيك و هاتيلي كنافه و بسبوسة
ولا اقولك كوليلي ايس كريم من عند عزه
ايس كريم تين شوكى .. و لو مش لاقيتي
نطي فى اول سوبر جيت وحتلاقينى مستنياكي على البوبات
اعزمك وامري لله على ايس كريم تين شوكر و ارجعي فى نفس اليو
الا قوليلي حتروحي مقابله المدونين يوزم التلات اللى فى الاسكندرية؟؟؟؟؟؟؟؟
حاسوباتيه
ايه يا شيخه انتى فين
يعنى على حظك كدة لما تزورونى تيجى على موضوع مخنوق من نفسه
يا ستى الحمد لله
انا دلوقتى احسن من الاول شويه
و متقطعيش الزياره دى تانى اوك
و دمتـــــــــــــــــــــــــم
blue-wave
اة يا خويا انا بردوه قلت كدة
بس الحمد لله
النهارده احسن من امبارح
و دمتـــــــــــــــم
Walad_Masry
ميزه الخنقه
ان محدش يفهم منها حاجه
فيتخنق معايا
و تبقى مشاركه وجدانيه بجد
مع انه خطأ غير مقصود
بس شكله مأثر فيك اوى
هتشكوك مين
انت عندك برد يا مصرى
و عمال تعطس
هههههههههههههههههههههههه
عادى عادى
و صدقنى مش حعرف اقول اكتر من اللى قلته
بس لو فى حاجه معينه عايز تسال فيها بشكل مباشر
إسألنى و انا ارد عليك على طول
و بالتى هى احسن
و دمتــــــــــــــــــــــــم
واحدة مفروسة
و اللهى انتى رايقه مش مفروسه خالص
لا و كمان اروح اكل رز بلبن من عند صابر الللى فى الابراهيميه
اوعى تنسيه دة
بس الحمد لله انا دلوقتى احسن و كله تمام التمام
الجيات اكتر من الرايحات
بس موضوع يوم التلات دة ايه و امتى و فين بالظبط فى اسكندريه و الساعه كام
عشان لو كدة اروحه ان شاء الله
و دمتــــــــــــــــــــــــم
الحمد لله جيت بعد مابقيتى كويسه
لتحدف بحرف كيبوردى ولا حاجه
نتكلم جد بقى
روقى كدا ومش تاخدى اى حاجه على اعصابك
خليكى فرش وخدى الامور ببساطه
هاتلاقيها عدت بسلااااااااااااام
كل عام وانتى بخير ياقمر
بجد انتى زى العسل ياسامو
انتى مختفية فين يابنتى
ابقى شقرى
بيس ياقمر
ساموا
مين الوحش اللى زعلك وبوظ خططك
بس تصورى انا نفسى خفت
يابنتى دا انتى طلعتى جامدة قوى
وحشتينى جدااااااااااا
ولا يهمك يا قمر
كان نفسى بصراحة اعرف ايه الموضوع
تحياتى
Post a Comment