الجرنيكا

اسم غريب اوى لمن لا يعرفه

بس الناس اللى متعمقه فى الفن و كدة

اكيد تعرف الجرنيكا

استنوا استنوا

انا ححكيلكم حكياتها

زماااااااااااااااااااااااااااان اوى فى اسبانيا

حصلت حروب و مجازر

و مات فيها ناس كتير

رجال و نساء و شيوخ و اطفال

الاحداث دى اثرت فى الفنان العظيم بيكاسو

فرسم لوحه سماها الجرنيكا

الحكايه دى حكهالى واحد من اعز اعز اصدقائى

طب هو حكهالى ليه

مهتمه انا بالفن مثلا و باللوحات و كدة

لا......مش اوى

بس الحكايه و ما فيها

ان صديقى دة مشترك فى عرض مسرحى اسمه الجرنيكا

فأنا بقوله اسم المسرحيه ايه يا ابنى

قالى الجرنيكا

طبعا الاسم لفت انتباهى

فحكالى الحكايه دى

طيب دة ايه علاقته بالعرض

قالى احنا بقه

مصورين الاحداث اللى بتحصل دلوقتى و اللى بتتشابه مع الاحداث اللى داخل لوحه الرجنيكا

و طبعا احنا صممنا لوحه جرنيكا خاصه بينا

طبعا يعنى انا الموضوع مكنش ينفع اعديه بالساهل

و قلت لازم اروح اشوف العرض دة

عشان شكله مثير للإهتمام

بس فاكرين البوست اللى فات

انا كنت مضايقه و زهقانه و نفسى انفجر فى حد

و دة سببه انى مروحتش العرض دة

و كل صحابى و زمايلى راحوا

و انا خذلت صديقى العزيز

بس هو طلع زوق و قالى تتعوض يا سامو

فالعرض المسرحى دة

مصورين الاحداث على هيئه رقصه

و كانوا لابسين فيها ماسكات على هيئه فئران

و طبعا من كتر تميز العرض

شباب الفرقه خدوا المركز الاول و بقه قدامهم الفرصه انهم يعرضوا فى القاهرة

و كل دة تحت اشراف المخرج

شريف عباس

بجد العرض جميل جدا

و متميز

و العروض دى مشهور بيها المخرج شريف عباس

بتبقى عايزة تركيز عالى جدا

عشان تعرف توصل لهدف اللى بيحصل قدامك

الفرقه على حد علمى

مكونه من 8 افراد

اغلبهم تقريبا بردوه من شباب الجامعات

صديقى اللى فى الفرقه دى

فى كليه تربيه رياضيه بنين

عرض متميز بحق

بصراحه انا مكنتش طايقه موضوع المسرح دة و لا حاسه فيه ياى اهميه

بس لما سمعت الحكايه دى

الموضوع بصراحه اثار اهتمامى

عشان كدة كنت حتجنن لما مروحتش

و تانى يوم فى الشغل كل زمايلى عمالين يحكوا على العرض

و معجبين بيه اوى

و انا حطه ايدى على خدى

و ساكته

حبيت اشارككم فى هذا الموضوع

هما حاليا بيتدربوا فى قصر ثقافه مصطفى كامل

عشان العرض ان شاء الله فى

و العرض الاول ليهم كان فى قصر ثقافه الانفوشى بالاسكندريه

يلا

بكرة تتعوض

و انا ححطلكم الصور بتاعه الجرنيكا

الصورة الاصليه

و الصورة الجديده

و دمتـــــــــــــــــــــــــــــــــــــــــــــــــــــــــــــــــم

دى الصورة الاصليه اللى رسمها بيكاسو

دى الصورة بتاعتنا بقه لو ركزتوا شويه ممكن تلاحظوا الاختلاف

انا كاتبه الموضوع دة بشكل مختلف تماما ممكن تقولا احسن من هنا على الفيس بوك و اللينك اهوه اتمنى انى اشوف تعليقاتكم عليه هناك و هنا

عشان الاسلوب مختلف

و اللينك اهوه:

http://www.facebook.com/notes.php?style=2&id=554266968

و دمتــــــــــــــــــــــــــــــــــــــــــــــــــــــــــــــــــــــــــــــــــــم